தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்)

அமெரிக்க  குடியுரிமையினை இரத்து செய்து விட்டதாக இதுவரையில் பொதுஜன பெரமுனவின் ஜனாதிபதி வேட்பாளர் கோத்தாபய ராஜபக்ஷ நாட்டு மக்களுக்கு உரிய ஆவணங்களை பகிரங்கப்படுத்தவில்லை. வேட்புமுனு தாக்கல் செய்ய முன் ஆவணங்களை வெளிப்படுத்த முடியுமா. 

நாட்டின் இறையாண்மைக்கு முக்கியத்துவம் கொடுக்கும் மக்கள் இரட்டை பிரஜாவுரிமையுள்ள ஒருவரை ஜனாதிபதியாக தெரிவு செய்யமாட்டார்கள் என அமைச்சர் அஜித் பி பெரேரா தெரிவித்தார்.

நிதியமைச்சர் மங்கள சமரவீரவின்  இல்லத்தில் நேற்று சனிக்கிழமை இடம் பெற்ற ஊடகவியலாளர் சந்திப்பில் கலந்துக் கொண்டு கருத்துரைக்கையில் அவர்மேற்கண்டவாறு குறிப்பிட்டார்.

நாட்டின் மீது பற்று உள்ளமையினாலேயே முன்னாள் பாதுகாப்பு செயலாளர் கோத்தாபய ராஜபக்ஷ பொதுஜன பெரமுனவின் ஜனாதிபதி வேட்பாளராக தெரிவு செய்யப்பட்டுள்ளார் என்று குறிப்பிட்டுக் கொள்ளும் எதிர்  தரப்பினர் கடந்த காலங்களில் அத்தரப்பின் நாட்டின் மீது கொண்டிருந்த பற்றியையும்,இறையாண்மைக்கு வழங்கிய றிலையினையும் அரசியலை விடுத்து தனித்து ஒரு முறை நினைவுப்படுத்திக் கொள்ள வேண்டும்.

அமெரிக்க பிரஜாவுரிமையினை தான் இரத்து செய்து விட்டதாக வெறும் பேச்சளவில் மாத்திரமே பொதுஜன பெரமுனவின் ஜனாதிபதி வேட்பாளர் கோத்தாபய ராஜபக்ஷ குறிப்பிடுகின்றார். உரிய ஆவணங்கள் ஏதும் இதுவரையில்   உரிய இடத்திற்கும், நாட்டு மக்களுக்கும்  பகிரங்கப்படுத்தப்படவில்லை.

 இரட்டை பிரஜாவுரிமை உள்ளவர் அரசியலில்  செல்வாக்கு செலுத்த முடியாது என்பது  சர்வதேச  அரசியலிலும் பின்பற்றப்படும் ஒரு  செயற்பாடாகும். இரு நாடடையும் பிரதிநிதித்துவப்படுத்தி அரசியலில் செயற்படுவது ஒரு நாட்டின் இறையாண்மைக்கு பாதிப்பு ஏற்படுத்தும். எமது நாட்டின் இறையாண்மைக்கு முக்கியத்துவம் கொடுக்கும் எவரும் .அமெரிக்க பிரஜையினை நாட்டின் ஜனாதிபதியாக்க மாட்டார்கள். என்றார்.