ஜனாதிபதி ஆணைக்குழுவில் முன்னிலையாகியுள்ள காமினி ஜயவிக்ரம பெரேரா

09 Sep, 2019 | 05:46 PM

அமைச்சர் காமினி ஜயவிக்ரம பெரேரா, அரச நிறுவனங்களில் இடம்பெற்ற ஊழல் மோசடிகள் தொடர்பில் ஆராயும் ஜனாதிபதி ஆணைக்குழுவில் முன்னிலையாகியுள்ளார்.

மஹபொல பொறுப்பாண்மை சபையில் இடம்பெற்ற நிதி மோசடி தொடர்பில் இடம்பெற்று வரும் விசாரணைகளுக்கு அமைய வாக்குமூலம் ஒன்றை பெற்றுக் கொடுப்பதற்காகவே அமைச்சர் ஆணைக்குழுவில் இன்று முற்பகல் முன்னிலையானதாக தெரிவிக்கப்படுகின்றது.

எவ்வாறாயினும், விசாரணைகளுடன் தொடர்புடைய ஆவணங்களை சமர்ப்பிப்பதற்காக வேறு ஒரு தினத்தை பெற்றுத் தருமாறு அமைச்சரால் ஆணைக்குழுவிற்கு கோரிக்கை ஒன்று முன்வைக்கப்பட்டதையடுத்து, எதிர்வரும் 17 ஆம் திகதி குறித்த ஆவணங்களுடன் ஜனாதிபதி ஆணைக்குழுவில் முன்னிலையாகுமாறு அமைச்சருக்கு அறிவிக்கப்பட்டுள்ளதாக அதன் பேச்சாளரொருவர் தெரிவித்துள்ளார்.