தவறவிடாதீர்கள்..!உடனே பதிவு செய்யுங்கள்

ஊவா மாகாணத்தின்  தமிழ் மொழி மூலமான பாடசாலைகளில் காணப்படும் ஆசிரியர் வெற்றிடடங்களுக்கு கல்வியியற் கல்லூரியில் பயிற்சி பெற்ற ஆசிரியர்களை ஊவா மாகாணத்திலேயே தமிழ் மொழிமூலமான பாடசாலைகளில் காணப்படும்  சேவைக்கான வெற்றிடங்களில் நியமனங்களை பெற்றுத்தருமாறு ஊவா மாகாண தமிழ்க் கல்வி அமைச்சர் செந்தில் தொண்டமான், கல்வி ராஜாங்க அமைச்சர் விஜயகலா மகேஷ்வரனுடன் சந்திப்பினை மேற்கொண்டார்.  

இதில் ஊவா மாகாணத்தில் மாத்திரம் தமிழ் மொழி மூலமான பாடசாலைகளில் 365 ஆசிரியர் வெற்றிடங்கள் கானப்படுகின்றன. இவ் ஆசிரியர் பற்றாக்குறை மத்தியிலேயே ஊவா மாகாணத்தை சேர்ந்த தமிழ் மொழிமூலமான பாடசாலையில் இருந்து மாணவர்கள் சிறந்த பெறுபேறுகளை பெற்று கல்வியற் கல்லூரிக்கு ஆசிரியர் பயிற்சிக்காக தெரிவாகி இருக்கின்றார்கள். 

தற்போது ஊவா மாகாணத்தில் தமிழ் மொழிமூலமான பாடசாலைகளில் காணப்படும் ஆசிரியர் பற்றாக்குறைக்கு ஊவா மாகாணத்தில் இருந்து கல்வியியற் கல்லூரியில் ஆசிரியர்களாக பயிற்சியை பூர்த்தி செய்தவர்களில் 13 ஆசிரியர்கள் மாத்திரமே ஊவா மாகாண தமிழ் மொழி மூலமாக பாடசாலைக்கு  நியமனங்கள் நியமிக்கப்பட்டுள்ளது. 

ஏனைய பயிற்சி பெற்ற ஆசிரியர்கள் வேறு மாகாணங்களுக்கு நியமனம் வழங்கப்படுவதாக அறியப்படுகின்றது. இதில் நியமனம் பெற்ற ஆசிரியர்கள் சுமார் 200 கி.மீ க்கு தொலைவில் உள்ள பாடசாலைகளில் கடமை புரிய வேண்டிய  சூழ்நிலை ஏற்பட்டதுடன் இவ் நியமனங்களில் கூடுதலாக பெண்கள் அடங்கி உள்ளதாக அவதானிக்க கூடியதாக உள்ளதுடன் இவ் ஆசிரியர்கள் பாடசாலையில் தங்குமிடவசதிகள், போக்குவரத்து போன்ற பல இன்னல்களுக்கு தள்ளப்பட்டுள்ளனர்.

இவ் ஆசிரியர்கள் நலன் கருதி தாங்கள் மறுபரிசீலனை செய்து இவ் ஆசிரியர்களை ஊவாமாகாணத்திற்கு நியமனம் வழங்கம் பட்சத்தில் கூடுதலாக தமிழ் மொழி மூலம் பாடசாலைகளில் கல்வி தரத்தினை உயர்த்த முடியும். என ஊவா மாகாண தமிழ் கல்வி அமைச்சர் செந்தில் தொண்டமான் கல்வி இராஜாங்க அமைச்சர் விஜயகலா மகேஸ்வரனிடம் தீர்க்கமான முடிவொன்றை பெற்றுதருமாறு வேண்டுகோளென்றை விடுத்துள்ளமை குறிப்பிடத்தக்கது.