தவறவிடாதீர்கள்..!உடனே பதிவு செய்யுங்கள்

(செ.தேன்மொழி)

பேலியகொட பகுதியில் கொள்ளைச் சம்பவம் தொடர்பில் தேடப்பட்டு வந்த நபரொருவர் கைது செய்யப்பட்டுள்ளார்.

பேலியகொட பொலிஸ் பிரிவிற்குட்பட்ட மல்வத்த பகுதியில் நேற்று பிற்பகல் பேலியகொட மேல்மாகாண வடக்கு குற்றப் பிரிவினர் மேற்கொண்ட சோதனை நடவடிக்கைகளின் போதே இவர் கைது செய்யப்பட்டதாக பொலிஸ் ஊடகப்பிரிவு தெரிவித்தது.

சந்தேக நபர் வத்தளை பகுதிகளில் இடம்பெற்றுள்ள பல கொள்ளைச் சம்பவங்களுடன் தொடர்பு கொண்டுள்ளதாக பொலிஸாரின் முதற்கட்ட விசாரணைகளின் போது தெரியவந்துள்ளது.

பேலியகொட - துட்டுகெமுனு மாவத்தையைச் சேர்ந்த 32 வயதுடைய நபரொருவரே இவ்வாறு கைது செய்யப்பட்டுள்ளார். இவரிடமிருந்து 4 தொலைக்காட்சி பெட்டிகள் , 2 மடிக்கணணிகள் மற்றும் 2 தொலைபேசிகள் உள்ளிட்ட பொருட்கள் மீட்கப்பட்டுள்ளன.

இதனை தொடர்ந்து சந்தேக நபர் வத்தளை பொலிஸாரிடம் ஒப்படைக்கப்பட்டுள்ளார். பொலிஸார் மேலதிக விசாரணைகளை முன்னெடுத்து வருகின்றனர்.