தவறவிடாதீர்கள்..!உடனே பதிவு செய்யுங்கள்

முன்னணி நாகைச்சுவை நடிகரான யோகி பாபு கதையின் நாயகனாக நடிக்கும் புதிய படத்திற்கு‘ ட்ரிப்’ எனப் பெயரிடப்பட்டிருக்கிறது.

அறிமுக இயக்குனர் டெனிஸ் இயக்கத்தில் தயாராக இருக்கும் அறிவியல் புனைவு கதையில் நாயகர்களாக யோகி பாபுவும், கருணாகரனும் நடிக்கிறார்கள். இதுகுறித்து இயக்குனர் பேசுகையில்,‘ 

இதுவரை தமிழில் பயாலஜிக்கல் சயின்ஸ் ஃபிக்ஷன் திரில்லர் ஜானரில் படங்கள் வெளியாகவில்லை. அந்தக் குறையைப் போக்கும் வகையில் ‘ட்ரிப் ’படத்தின் கதை அமைக்கப்பட்டிருக்கிறது. இதில் வண்ணப் பூச்சு பூசுவதற்காக யோகிபாபுவும், கருணாகரனும் அடர்ந்த காட்டுக்குள் செல்கிறார்கள். அங்கு ஐந்து இளைஞர்களும், நான்கு இளம்பெண்களும் திசைமாறி பயணித்து அங்கு வருகிறார்கள். இவர்கள் சந்திப்பிற்கு பிறகு ஏற்படும் திருப்பங்களும் அது தொடர்ந்த சம்பவங்களும் தான் படத்தின் திரைக்கதை. இந்தப்படத்தின் படப்பிடிப்பு இம்மாதம் 16ஆம் திகதியன்று கொடைக்கானலில் தொடங்குகிறது. கொடைக்கானல் மற்றும் தலைக்கோணத்தில் தொடர்ந்து 40 நாட்கள் படப்பிடிப்பு நடத்த திட்டமிட்டிருக்கிறோம்.” என்றார்.

இந்த படத்திற்கு சித்து குமார் இசையமைக்க, உதயசங்கர் ஒளிப்பதிவு செய்கிறார். தீபக் படத்தை தொகுக்க. கதை திரைக்கதை வசனம் எழுதி இயக்குனராக அறிமுகமாகிறார் டெனிஸ்.  இந்த படத்தை தயாரிப்பாளர் விஸ்வநாதன் தயாரிக்கிறார்.

இந்தப்படத்தின் கதை ஏற்கனவே ‘கனா ’பட புகழ் நடிகர் தர்ஷன், விஜய் ரிவி தீனா, அருண் பாண்டியனின் வாரிசு கீர்த்தி பாண்டியன் ஆகியோர் நடிப்பில் வெளியான ‘தும்பா’ படத்தின் கதையை நினைவுப்படுத்துவதுபோல் இருப்பதாக திரையுலகினர் தெரிவிக்கிறார்கள்.

இதனிடையே நடிகர் யோகிபாபு தற்போது , பிகில், பன்னிக்குட்டி, தர்பார், பப்பி, கன்னி ராசி என 20-க்கும் மேற்பட்ட படங்களில் நடித்து வருகிறார் என்பது குறிப்பிடத்தக்கது.