தவறவிடாதீர்கள்..!உடனே பதிவு செய்யுங்கள்

ஐ.எஸ் அமைப்பின் தலைவர் அபு பக்கர் அல் பக்­தாதி காய­ம­டைந்­துள்­ளதால் அவர் அந்த அமைப்பின் தலைமைப் பொறுப்பை அப்­துல்லா குர்தாஸ் என்­ப­வ­ரிடம் கைய­ளித்­துள்­ள­தாக சர்­வ­தேச தக­வல்கள் தெரி­விக்­கின்­றன. இவர் முன்னாள் ஈராக் ஜனா­தி­பதி சதாம் ஹூசைனின் இரா­ணு­வத்தை சேர்ந்­தவர் என்­பது குறிப்­பி­டத்­தக்­கது.

மறை­மு­க­மாக இருந்து ஐ.எஸ் அமைப்­பினை மீண்டும் வலுப்­ப­டுத்­து­வ­தற்­கான நட­வ­டிக்­கை­களில் ஈடு­பட்­டுள்ள பக்­தாதி  அவ் அமைப்பை மீண்டும் கட்­டி­யெ­ழுப்பும் பொறுப்பை அப்­துல்லா குர்­தா­ஸிடம் ஒப்­ப­டைத்­துள்ளார் என ஐ.எஸ் அமைப்பின் ஊட­க­மான அமாக் தெரி­வித்­துள்­ளது.

இவர் தனது அதி­கா­ரங்­களை வேறு ஒரு­வ­ரிடம் ஒப்­ப­டைத்­துள்­ளமை 2017 இல் இடம்­பெற்ற தாக்­கு­தலில் காய­ம­டைந்­தி­ருக்­கலாம் என்ற சந்­தே­கங்­களை அதி­க­ரித்­துள்­ள­தாக சர்­வ­தேச ஊட­கங்கள் தெரி­வித்­துள்­ளன.

சதாம் ஹுசைனின் இரா­ணு­வத்தில் பணி­யாற்­றிய அப்­துல்லா குர்தாஸ் 2003 இல் பஸ்­ராவில் அல்­பக்­தா­தி­யுடன் அமெ­ரிக்க படை­யி­னரால் தடுத்­து­வைக்­கப்­பட்­டி­ருந்­த­ வேளை அவ­ருக்கு நெருக்­க­மா­ன­வ­ராக மாறினார் எனவும் தெரி­விக்­கப்­ப­டு­கின்­றது.

பேரா­சி­ரியர் என அழைக்­கப்­படும் அப்­துல்லா குர்தாஸ் ஐ.எஸ் அமைப்பின் ஈவி­ரக்­க­மற்ற கொள்கை வகுப்­பாளர் எனவும் தெரி­விக்­கப்­பட்­டுள்­ளது.

மேலும், அமைப்பின் பல­வீ­னங்­களை கண்­ட­றி­வ­தற்­கா­கவும் எதிர்­கா­லத்தில் அவரை தலை­வ­ராக நியமிப்பதை நோக்கமாகக் கொண்டும் அல்பக்தாதி, அப்துல்லா குர்தாஸிற்கு     இந்த பொறுப்பை வழங்கியிருக்கலாம் என பாதுகாப்பு நிபுணர்கள் தெரிவித்துள்ளனர்.