தவறவிடாதீர்கள்..!உடனே பதிவு செய்யுங்கள்

திருகோணமலை தம்பலாகாமம் பொலிஸ் பிரிவுக்குட்பட்ட பகுதியில் பதினைந்து வயதுடைய சிறுமியொருவரை துஷ்பிரயோகத்திற்குட்படுத்திய நபர் ஒருவரை நேற்றிரவு(21) கைது செய்துள்ளதாக தம்பலாகாமம் பொலிஸார் தெரிவிக்கின்றனர்.

யூனிட் 11,முள்ளிப்பொத்தானை பகுதியைச் சேர்ந்த 26 வயதுடைய ஒருவரயே இவ்வாறு கைது செய்துள்ளதாக பொலிஸார் தெரிவிக்கின்றனர்.

சந்தேக நபர் பதினைந்து வயதுடைய சிறுமியை பதினொரு மாதகாலமாக காதலித்துள்ளதாகவும் பெற்றோர்களுக்கு தெரியாமல் இரவு வேளையில் சந்தித்து வந்துள்ளதாகவும் ஆரம்பக்கட்ட விசாரணைகளில் தெரிய வந்துள்ளதாக தம்பலாகாமம் பொலிஸார் தெரிவிக்கின்றனர்.

இந்நிலையில் சிறுமியின் பெற்றோர்கள் செய்த முறைப்பாட்டுக்கமைய குறித்த நபரை கைது செய்துள்ளதாக பொலிஸார் தெரிவிக்கின்றனர். 

சந்தேக நபரை தடுத்து வைத்துள்ளதோடு நீதிமன்றில் ஆஜர்படுத்த உள்ளதாகவும் பொலிஸார் தெரிவிக்கின்றனர்.