தவறவிடாதீர்கள்..!உடனே பதிவு செய்யுங்கள்

மஸ்கெலியா நகரத்தை அழகு படுத்தும் நோக்கில் பல இடங்களில் வைக்கப்பட்டிருந்த பூச் சாடிகள் இனந்தெரியாதவர்களால் உடைத்தெறியப்பட்டுள்ளது.

மத்திய மாகாண ஆளுநர் காரியாலயம் மற்றும் மாகாண அபிவிருத்தி காரியாலயம் ஆகியன இணைந்து அழகிய நகரம் வேலைத்திட்டத்தின் கீழ் மஸ்கெலியா நகரத்தை அழகுபடுத்தும் நோக்கில் பல இடங்களில் பூச் சாடிகளில் பூமரக் கன்றுகள் வைக்கப்பட்டன.

அத்தோடு நமது நாட்டின் தேசிய மரமான நாக மரம் வைக்கப்பட்டது. அவ்வாறு வைக்கப்பட்ட சில பூச் சாடிகள் இனந்தெரியாதவர்களால் உடைக்கப்பட்டுள்ளதாக மஸ்கெலியா பிரதேச சபை செயலாளர்  தெரிவித்தார்.

சம்பவம் தொடர்பில் அவர் மேலும் தெரிவிக்கையில்,

சம்பவம் இடம்பெற்ற இடத்திற்கு மஸ்கெலியா பொலிஸ் நிலைய பொறுப்பதிகாரி சென்று பார்வையிட்டதுடன் இச் செயலில் ஈடுபட்டவர்களை கண்டுபிடிப்பதற்கான விசாரணைகளை முன்னெடுக்குமாறு உத்தரவிட்டார்.

நகரின் பாதுகாப்புக் கருதியும் அரச உடமைகளை சேதப்படுத்துபவர்களை கண்டறியவும் கண்காணிப்பு கெமராக்கள் பொருத்தவுள்ளதாகவும் தெரிவித்தார்.