தவறவிடாதீர்கள்..!உடனே பதிவு செய்யுங்கள்

(செ.தேன்மொழி)

சட்டவிரோத மின் இணைப்பில் சிக்கி நபரொருவர் உயிரிழந்துள்ளார். 

ஹாலிஎல - கொஹோவில பகுதியில் புதன்கிழமை முற்பகல்  சந்தேகத்திற்கிடமான முறையில் நபரொருவர் உயிரிழந்துள்ளதாக பொலிஸாருக்கு கிடைக்கப் பெற்ற தகவலுக்கமைய பொலிஸார் விசாரணைகளை ஆரம்பித்துள்ளனர்.

நிஷாங்க வீரசிங்க எனப்படும் 30 வயதுடைய நபரொருவரே இவ்வாறு உயிரிழந்துள்ளதாக பொலிஸார் அடையாளம் கண்டுள்ளனர். சடலத்தை பிரேத பிரிசோதனைக்காக பதுளை வைத்தியசாலைக்கு எடுத்துச் சென்றுள்ளனர். மரண விசாரணைகளின் போது இவர் மின்சாரம் தாக்கியே உயிரிழந்துள்ளதாக தெரியவந்துள்ளது.

இந்த விடயம் தொடர்பில் பொலிஸார் விசாரணைகளை ஆரம்பித்துள்ளனர். இதன்போது உயிரிழந்த நபரின் அயல் வீட்டில் எடுக்கப்பட்டிருந்த சட்டவிரோத மின் இணைப்பில் சிக்கியே இவர் உயிரிழந்துள்ளதாக தெரியவந்துள்ளது.

இதனை தொடர்ந்து பொலிஸார் சந்தேகநபரை கைது செய்துள்ளதுடன், மேலதிக விசாரணைகளையும் முன்னெடுத்து வருகின்றனர்.