வெற்றி பெற்றால் மட்டுமே போட்டியில் தொடர்ந்து நீடிக்க முடியும் என்ற நிலையில் இருந்த புனே நேற்றைய ஹைதராபாத் அணியுடனான போட்டியில் 4 ஓட்டங்களால் தோல்வி கண்டது.
இந்தப் போட்டியில் முதலில் துடுப்பெடுத்தாடிய சன்ரைசர்ஸ் ஹைதராபாத் அணியை 137 ஓட்டங்களுக்கு சுருட்டியது புனே அணி. அந்த அணியின் இளம் சுழற்பந்துவீச்சாளர் அடம் ஸம்பா 19 ஓட்டங்களை மாத்திரம் விட்டுக்கொடுத்து 6 விக்கெட்டுகளை வீழ்த்தி அசத்தினார்.
நாணய சுழற்சியில் வெற்றிபெற்ற ஹைதராபாத் அணியின் ஷிகர் தவானும், டேவிட் வோர்னரும் ஆட்டத்தை ஆரம்பித்தனர். இதில் 11 ஓட்டங்கள் எடுத்திருந்தவேளை வோர்னர் ஆட்டமிழந்தார்.
அதன்பிறகு தவானும் 33 ஓட்டங்களுடன் வெ ளியேறினார். அடுத்து வந்த யுவராஜ் சிங் 23 ஓட்டங்களை எடுத்து ஸம்பா பந்துவீச்சில் ஆட்டமிழந்தார்.
ஸம்பாவின் அடுத்த ஓவரில் வில்லியம்ஸன் (32) வீழ்ந்தார். அடுத்த பந்தில் ஹென்றிக்ஸ் (10) வீழ்ந்தார்.
20ஆவது ஓவரை வீசிய ஸம்பா 3 விக்கெட்டுகளை வீழ்த்தினார். இரண்டாவது பந்தில் ஹூடாவை வீழ்த்திய அவர், 5ஆவது பந்தில் ஓஜாவையும், 6ஆவது பந்தில் புவனேஷ்வர் குமாரையும் வீழ்த்தினார்.
இறுதியில் ஹைதராபாத் அணி 20 ஓவர்கள் முடிவில் 8 விக்கெட்டுக்களை இழந்து 137 ஓட்டங்களை எடுத்தது.
புனே அணி சார்பில் அடம் ஸம்பா 6 விக்கெட்டுகளை வீழ்த்தினார். ஆர்.பி.சிங், அஷ்வின் ஆகியோர் தலா ஒரு விக்கெட்டை வீழ்த்தினர்.
அதன் பிறகு 138 ஓட்டங்கள் பெற்றால் வெற்றி என்ற நிலையில் களமிறங்கிய புனே அணியின் ஆரம்பத் துடுப்பாட்ட வீரரான ரஹானே ஓட்டமேதும் பெறாத நிலையில் ஆட்டமிழந்தார். மற்றைய வீரரான கவாஜா 11 ஓட்டங்களுடன் ஆட்டமிழக்க, பெய்லியுடன் ஜோடி சேர்ந்த அஷ்வின் ஜோடி சற்று நிதானமாக ஆடி ஓட்டங்களைச் சேர்த்தது. ஆனாலும் பெய்லி(34), அஷ்வின் (29) ஓட்டங்களுடன் ஆட்டமிழக்க அணி மேலும் தடுமாறியது. அதன் பிறகு ஜோடி சேர்ந்த திஸர மற்றும் டோனி அணியை தோல்வியிலிருந்து மீட்க கடுமையாக போராடினர்.
ஆனாலும் போராட்டம் வீணானது இறுதியில் டோனியின் புனே அணி நிர்ணயிக்கப்பட்ட 20 ஓவர்களில் 8 விக்கெட்டுக்களை இழந்து 133 ஓட்டங்களைப் பெற்று தோல்வியைத் தழுவிக்கொண்டது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM