சிறுவனின் உயிருக்கு எமனான கயிறு ; 10 நாட்களின் பின் உயிர் பிரிந்த சோகம்

யாழ்ப்பாணம் தெல்லிப்பழை பகுதியில் வீட்டிலிருந்த கயிற்றில் தொங்கி விளையாடிய சிறுவன் அதில் சிக்கிக் கொண்டு பரிதாபமாக உயிரிழந்துள்ளதாக தெரிவிக்கப்பட்டுள்ளது.

குறித்த சம்பவத்தில் சிவபாலன் அச்சயன் (வயது-11) என்ற மாணவனே இவ்வாறு பரிதாபமாக உயிரிழந்துள்ளான்.

இந்நிலையில் குறித்த சம்பவம் தொடர்பில் மேலும் தெரியவருகையில்,

கடந்த 24ஆம் திகதி வீட்டில் கட்டப்பட்டிருந்த கயிற்றைப் பிடித்து சிறுவன் விளையாடிக் கொண்டிருந்த போது அவனது தாயார் விளையாட வேண்டாம் என்று அறிவுறுத்திவிட்டு. மதிய உணவு தயாரிப்பில் ஈடுபட்டுள்ளார்.

சிறிது நேரத்தில் சிறுவனை அழைத்தபோது அவனது சத்தத்தைக் காணவில்லை என்று விளையாடிய இடத்தில் தேடிய போது சிறுவனது கழுத்தில் கயிறு இறுகியிருப்பதை கண்ட. தாய் உடனடியாக உறவினர்களின் உதவியுடன் தெல்லிப்பழை வைத்தியசாலைக்கு எடுத்துச் சென்றுள்ளார்.

இதையடுத்து குறித்த சிறுவன் மேலதிக சிகிச்சைக்காக யாழ்ப்பாண போதனா வைத்தியசாலையில் சேர்க்கப்பட்ட நிலையில் நேற்று குறித்த சிறுவன் சிகிச்சை பயனின்றி உயிரிழந்துள்ளான்.

இந்நிலையில் குறித்த சிறுவனின் இறப்பு விசாரணையை யாழ்ப்பாணம் போதனா வைத்தியசாலையின் திடீர் இறப்பு விசாரணை அதிகார நமசிவாயம் பிறேம்குமார் மேற்கொண்டு வருகின்றமை குறிப்பிடத்தக்கது.