தவறவிடாதீர்கள்..!உடனே பதிவு செய்யுங்கள்

மக்கள் செல்வன் விஜய் சேதுபதி நடிப்பில் ‘துக்ளக் தர்பார்’ படத்தின் படபிடிப்பு இன்று பூஜையுடன் ஆரம்பமானது.

தயாரிப்பாளர்  லலித்குமாரின் 7 ஸ்கிரீன் ஸ்டுடியோஸ்  மற்றும் வயகாம் 18 ஸ்டுடியோஸ் இணைந்து தயாரிக்கும் பிரம்மாண்டமான புதிய படம் ‘துக்ளக் தர்பார்’.. மக்கள் செல்வன் விஜய்சேதுபதி கதாநாயகனாக நடிக்கிறார். அதிதிராவ் ஹதாரி நாயகியாக நடிக்கிறார்.. இயக்குநரும் நடிகருமான ரா.பார்த்திபன், இப்படத்தில் முக்கிய கதாபாத்திரத்தில் நடிக்கிறார். கதை திரைக்கதை அமைத்து இப்படத்தை புதுமுக இயக்குநர் டில்லி பிரசாத் தீனதயாளன் இயக்குகிறார்.

இப்படத்திற்கு ‘நடுவுல கொஞ்சம் பக்கத்தைக் காணோம்’ சீதக்காதி பட இயக்குனர் பாலாஜி தரணிதரன் வசனங்களை எழுத,  96 படத்தின் இயக்குநரான பிரேம்குமார். ஒளிப்பதிவுசெய்கிறார். இசையமைப்பாளர் கோவிந்த் வசந்தா இசையமைக்கும் இந்த படத்தை எடிட்டர் கோவிந்தராஜ் தொகுக்கிறார்.  

இன்று நடைபெற்ற இந்த பூஜையில் விஜய்சேதுபதி, அதிதிராவ் ஹெய்தாரி, பார்த்திபன், காயத்ரி, சமுத்திரக்கனி, பகவதி பெருமாள், கருணாகரன், ராஜ்குமார், தயாரிப்பாளர்கள் வயகாம் அனுப், விஜய்சேதுபதி புரொடக்சன் ராஜேஷ், சினிமாவாலா  சதிஷ் மற்றும் இயக்குநர்கள் பிரேம்குமார், பாலாஜி தரணிதரன், தியாகராஜ குமாரராஜா, அஜய் ஞானமுத்து, பிரபாகரன், மருதுபாண்டி, ஆண்ட்ரு ஆகியோர் பங்குபற்றினர். 

சுப்பர் ஸ்டாரின் ‘தர்பார்’ தயாராகி பொங்கலுக்கு வெளியாகவிருக்கும் நிலையில் மக்கள்செல்வன் விஜய் சேதுபதியின் நடிப்பில் தற்போது ‘ துக்ளக் தர்பார்’ என்ற பெயரில் ஒரு படம் தயாராகுவது அவரது ரசிகர்களை மகிழ்ச்சிக்குரிய தாக்கியிருக்கிறது.