தவறவிடாதீர்கள்..!உடனே பதிவு செய்யுங்கள்

(செ.தேன்மொழி)

இலங்கையிலிருந்து தங்க நகைகளை இந்தியாவிற்கு கடத்த முற்பட்ட இந்தியர்கள் ஆறு பேர் கைது செய்யப்பட்டுள்ளனர்.

பண்டாரநாயக்க சர்வதேச விமான நிலையத்தில் நேற்று செவ்வாய்க்கிழமை சென்னை நோக்கி புறப்படவிருந்த யூ.எல். 274 விமானத்தில் தங்க நகைகளை கடத்த முற்பட்ட இந்திய பிரஜைகளை கைது செய்ததாக சுங்க பிரிவு தெரிவித்தது.

இதன்போது 30 - 45 வயதுக்கிடைப்பட்ட இந்திய பிரஜைகளே இவ்வாறு கைது செய்யப்பட்டுள்ளனர். இவர்கள் இந்தியாவிலிருந்து இங்கு வந்து வியாபார நடவடிக்கைகளில் ஈடுப்பட்டு வருபவர்கள் எனவும் தெரிய வந்துள்ளது.

இதேவேளை சந்தேக நபர்களிடமிருந்து 58 இலட்சத்து 92 ஆயிரத்து 880 ரூபாய் பெறுமதியான 737 கிராம் தொகை தங்க நகைகள் மீட்கப்பட்டுள்ளன. 

சந்தேக நபர்கள் தொடர்பான மேலதிக விசாரணைகளை சுங்க அதிகாரிகள் மேற்கொண்டு வருகின்றனர்.