தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

நெதர்லாந்துடன் விமான சேவை உடன்படிக்கையினை கைசாத்திடுவதற்கு அரசாங்கம் தீர்மானித்துள்ளது.

கடந்த 2018 ஆம் ஆண்டில் கென்யா நைரோபியில்  சர்வதேச சிவில் விமான சேவை இணக்கப்பாட்டு பேச்சுவார்த்தை மநாடு நடைபெற்றது. அந்த மாநாட்டின் போது இலங்கை மற்றும் நெதர்லாந்துக்கிடையில் விமான சேவை நடவடிக்கைக்கான செயற்பாடுகள் குறித்து உடன்பாடு எட்டப்பட்டது. 

இருநாடுகளுக்கு இடையில் விமான சேவைகளுக்கான சுருக்கமான உடன்பாடு எட்டப்பட்டது. இதன் மூலம் தெரிவிக்கப்பட்டுள்ள விமான வழியில் இலங்கைக்கும் இலங்கையிலிருந்து பயணத்தை மேற்கொள்வதற்கு நெதர்லாந்தின்  KLM   ரோயல் டச் விமான சேவை மற்றும் ஸ்ரீலங்கன் விமான சேவைகள் பெயரிடப்பட்டுள்ளன. 

இதற்கமைவாக இலங்கை மற்றும் நெதர்லாந்து அரசாங்கத்திற்கிடையில் அடிப்படை பேச்சுவார்த்தையில் அதிகாரிகள் மட்டத்தில் உடன்பட்டுள்ள விடயங்களில் விமான சேவை உடன்படிக்கையை எட்டுவதற்காகவும் இதன் உடன்படிக்கை பயனுள்ள வகையில் நடைமுறைப்படுத்தவதற்கு பொருத்தமான நடவடிக்கையை மேற்கொள்வதற்கும் தீர்மானிக்கப்பட்டுள்ளது.