தனுஷ் நடிக்கும் புதிய படத்திற்கு ‘பட்டாஸ்’ எனப் பெயரிடப்பட்டிருக்கிறது.
நேற்று பிறந்த நாள் கொண்டாடிய நடிகர் தனுஷ், தன்னுடைய ரசிகர்களுக்கு புதிய படத்திற்கான டைட்டிலையும் ஃபர்ஸ்ட் லுக்கை வெளியிட்டு உற்சாகப்படுத்தியிருக்கிறார்.
தமிழ் திரைப்பட உலகில் முன்னணி தயாரிப்பு நிறுவனமான சத்யஜோதி பிலிம்ஸ் தயாரிப்பில் உருவாகும் புதிய திரைப்படத்திற்கு ‘பட்டாஸ்’ என பெயரிடப்பட்டு இருக்கிறது. இந்நிறுவனத்தின் சார்பில் வெளியான ‘தொடரி’ என்ற படத்தில் நடிகர் தனுஷ் நடித்திருந்தார் என்பதும், அப்படத்திற்கு ஏற்பட்ட வணிகரீதியான இழப்பிற்கு ஈடுசெய்யும் வகையில் புதிய படத்தில் தனுஷ் நடித்து வருகிறார் என்பதும் குறிப்பிடத்தக்கது.
பட்டாஸ் படத்தில் தனுஷ் ஒரு தற்காப்புக் கலை நிபுணராக, தந்தை =மகன் என்ற இரண்டு கதாபாத்திரங்களில் நடிக்கிறார். இவருக்கு ஜோடியாக நடிகை சினேகா மற்றும் நடிகை மெஹ்ரீன் பிர்ஸாதா ஆகியோர் நடிக்கிறார்கள். இவர்களுடன் முன்னணி நடிகர்கள் நடித்து வருகிறார்கள்.விவேக்-மெர்வின் இசை அமைக்க, ஓம் பிரகாஷ் ஒளிப்பதிவு செய்கிறார். இப்படத்திற்கு கதை திரைக்கதை வசனம் எழுதி இயக்குனர் துரை செந்தில்குமார்.
படத்தை பற்றி அவர் பேசுகையில்,“ கேரளாவில் பாரம்பரிய தற்காப்பு விளையாட்டாக இருக்கும் களரி விளையாட்டுக்கு முன்பாக சோழர்கள் காலத்தில் தற்காப்புக் கலையாக விளங்கியது பட்டாஸ் என தற்போது அழைக்கப்படும் சுருள் கத்தி வீச்சு. இந்த தற்காப்பு கலையில் வல்லவராகவும், இந்தக் கலையைப் பற்றிய பதிவாகவும் இந்த படம் தயாராகிறது. அத்துடன் தந்தை =மகன் என்ற உறவு சிக்கலையும் உணர்வுபூர்வமாக இப்படம் பேசுகிறது.” என்றார். இப்படத்தின் படப்பிடிப்பு தற்போது சென்னையில் நடைபெற்று வருகிறது.
தனுஷின் பிறந்தநாளையொட்டி ‘பட்டாஸ்’படத்தின் ஃபர்ஸ்ட் லுக் வெளியாகியிருப்பது அவரது ரசிகர்களை உற்சாகப்படுத்தியிருக்கிறது.
இயக்குநர் துரை செந்தில்குமார் தனுஷ் இரட்டை வேடத்தில் நடித்த ‘கொடி’ என்ற வெற்றிப் படத்தை இயக்கியவர் என்பது குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM