தவறவிடாதீர்கள்..!உடனே பதிவு செய்யுங்கள்

மின்சக்தி, சக்தி வலு மற்றும் வர்த்தக அபிவிருத்தி அமைச்சை இடமாற்றம் செய்வதற்கு திறைசேரியிடமிருந்து 364 மில்லியன் ரூபாவை பெற்றுத் தருமாறு அமைச்சர் ரவி கருணாநாயக்க அமைச்சரவையில் முன்வைத்த அமைச்சரவைப் பத்திரத்திற்கு நிதியமைச்சர் மங்கள சமரவீர கடும் எதிர்ப்பினை வெளியிட்டுள்ளார். 

இதற்கு முன்னர் இடம்பெற்ற அமைச்சரவை கூட்டத்தின்போது ரவி கருநாணாயக்க இந்த விடயத்தை அமைச்சின் கவனத்திற்கொண்டு வந்தபோதும் மங்கள சமரவீர அதன்போதும் எதிர்ப்பினை வெளியிட்டிருந்தார். 

இந் நிலையில் நேற்றைய தினம் ஜனாதிபதி மைத்திரிபால சிறிசேன முன்னிலையில் இடம்பெற்ற அமைச்சரவைக் கூட்டத்தின்போதே அமைச்சர் ரவி கருணாநாயக்க மேற்படி அமைச்சரவை பத்திரத்தை முன்வைத்திருந்தார்.

இந்த அமைச்சரவைப் பத்திரத்தில் தற்போது கொழும்பு, ஆனந்த குமாரசாமி மாவத்தையில் அமைந்துள்ள மின்சக்தி, சக்தி வலு மற்றும் வர்த்தக அபிவிருத்தி அமைச்சை கொழும்பு, நவம் மாவத்தைக்கு இடமாற்றுவதற்காகவே அவர் திறைசேரியிடமிருந்து 364 மில்லியன் ரூபாவை பெற்றுத் தருமாறு கோரிக்கை விடுத்திருந்தார். 

அத்துடன் தற்பேதைய அமைச்சின் கட்டடத்தில் போதியளவு இடவசதி இல்லாமையின் காரணமாகவே அமைச்சை வேறு இடத்திற்கு மாற்றுவதற்கான கோரிக்கையை விடுத்துள்ளதாகவும் அமைச்சர் ரவி கருணாநாயக்க குறித்த அசை்சரவைப் பத்திரத்தில் சுட்டிக்காட்டியுள்ளார்.