தவறவிடாதீர்கள்..!உடனே பதிவு செய்யுங்கள்

சட்டவிரோதமாக வெளிநாட்டு நாணயத்தை கொரியாவுக்கு கடத்த முற்பட்ட நபர் கட்டுநாயக்க சர்வதேச விமான நிலையத்தில் வைத்து இன்று காலை கைது செய்யப்பட்டுள்ளதாக எமது செய்தியாளர் தெரிவித்தார்.

கொரியாவுக்கு பயணிப்பதற்காக குறித்த நபர் விமான நிலையத்தில் காத்திருந்த போதே அவர்; கைது செய்யப்பட்டுள்ளார்.

குறித்த சந்தேக நபரின் பயணப் பொதியை சோதனையிட்ட போது அதிலிருந்து சுமார் 44 இலட்சம் ரூபா பெறுமதியான சீங்கபூர் டொலர்களை அதிகாரிகள் கைப்பற்றியுள்ளனர்.

கைது செய்யப்பட்டவர்கள் 45 வயதினைக் கொண்ட கொரிய நாட்டு பிரஜையாவார். 

வர்த்தக நடவடிக்கைக்காக அடிக்கடி இலங்கைக்கு விஜயம் மேற்கொண்டுள்ளார்.

இந்நிலையில் கடந்த மாதம் நான்கு தடவைகள் இலங்கைக்கு விஜயம் செய்துள்ளதாக சுங்கத் திணைக்கள பிரிவினரின் விசாரணையின் மூலம் தெரியவந்துள்ளது.

இதனையடுத்து, குறித்த சந்தேக நபருக்கு ஒரு கோடியே 80 இலட்சம் ரூபா தண்ட பணமாக விதிக்கப்பட்டுள்ளது.