தவறவிடாதீர்கள்..!உடனே பதிவு செய்யுங்கள்

(செ.தேன்மொழி)

வெலிகம – மிரிஸ்ஸ மீன்பிடி துறைமுகத்தில் போதைப் பொருட்களுடன் மூன்று பெண்கள் உட்பட 12 பேர் கைது செய்யப்பட்டுள்ளனர்.

வெலிகம – மிரிஸ்ஸ மீன்பிடித் துறைமுகத்தில்  படகில் சென்று கடலை பார்வையிட வந்தவர்ளிடம் போதைப் பொருள் காணப்படுவதாக மாத்தறை ஊழல் தடுப்பு பிரிவினருக்கு கிடைக்கப் பெற்ற தகவலுக்கமைய மேற்கொள்ளப்பட்ட சுற்றிவளைப்புகளின் போதே சந்தேக நபர்கள் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்தது.

காலி ,குருணாகலை , ஹோமாகம , மொரட்டுவ, கனேமுல்ல மாகொல, களனிமுல்ல, ரத்மலானை , ஹதகனாவ , வத்தளை , மாத்தறை மற்றும் வெலிகம பகுதிகளைச் சேர்ந்த 20 – 26 வயதுக்கு இடைப்பட்டவர்களே  இவ்வாறு கைது செய்யப்பட்டுள்ளனர்.

இவர்களிடமிருந்து ஒரு கிராம் 490 மில்லி கிராம் ஐஸ் போதைப் பொருள் , ஒரு கிராம் 170 மில்லி கிராம் ஹஷீஸ் போதைப் பொருள் , 5 கிராம் 500 மில்லி கிராம் கேரளா கஞ்சா , 65 சிகரட்டுகள்  மற்றும் மேலும் பல்வேறு வகை போதை மாத்திரைகளும் மீட்கப்பட்டதாக பொலிஸார் தெரிவித்தனர்.

சந்தேக நபர்கள் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.