தவறவிடாதீர்கள்..!உடனே பதிவு செய்யுங்கள்

(செ.தேன்மொழி)

சப்புகஸ்கந்த பகுதியில் கொள்ளைச் சம்பவம் தொடர்பில் தேடப்பட்டு வந்த சந்தேக நபரொருவரை இன்று கைதுசெய்துள்ளதாக  பொலிசார்  தெரிவித்தனர்.  

தலுவ - மான்புரிய பகுதியைச் சேர்ந்த 48 வயதுடைய ஒருவரே இவ்வாறு கைது செய்யப்பட்டுள்ளதுடன், அவரிடமிருந்து 5 தங்க சங்கிலிகள் ,6 தங்க பென்டன்கள்; , 2 பஞ்சாயுதங்கள் ,6 மோதிரங்கள் ,8 ஜோடி தங்க காதணிகள்  உட்பட  62 கரட் எடையுடைய  தங்க  ஆபரணங்களும் தொலைபேசியொன்றும் மீட்கப்பட்டுள்ளது. 

கடந்த மாதம் 17 ஆம் திகதி களனி பிரதேசத்தின் பட்டிவில -கோனவல பகுதி வீடொன்றில் 43 இலட்சத்து 63 ஆயிரம் ரூபாய் தொகை பணமும் , தங்க நகைகளும் கொள்ளையிடப்பட்டுள்ளதாக    களனி பொலிஸாருக்கு கிடைக்கப் பெற்ற தகவலுக்கமைய பொலிஸார் விசாரணைகளை ஆரம்பித்திருந்தனர். 

இந்த நிலையிலேயே  சபுகஸ்கந்த பொலிஸாரினால்  சந்தேகநபர் கைதுசெய்யப்பட்டுள்ளமை குறிப்பிடத்தக்கது.