தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

நாட்டில் அபிவிருத்தி திட்டங்களை முன்னெடுப்பதாகக் கூறிக் கொண்டு ஐக்கிய தேசிய கட்சி தேர்தல் பிரசாரங்களையே முன்னெடுத்துக் கொண்டிருக்கிறது.

 தற்போது ஐ.தே.க.விலிருந்து ஜனாதிபதி வேட்பாளராக 5 பேர் தயாராகியுள்ளதோடு, இவர்களது தேர்தல் பிரசாரங்களுக்காக நபரொருவருக்கு 100 மில்லியன் ரூபா அரச நிதியிலிருந்து ஒதுக்கப்பட்டுள்ளது. இதற்கான ஆதாரங்களும் இருப்பதாக பாராளுமன்ற உறுப்பினர் மஹிந்த அமரவீர தெரிவித்தார். 

சுதந்திர கட்சி தலைமையகத்தில் இன்று இடம்பெற்ற ஊடகவியலாளர் சந்திப்பின் போது இதனைத் தெரிவித்த அவர் தொடர்ந்தும் கூறியதாவது : 

தற்போது உயர்தர வகுப்பு மாணவர்களுக்கு டெப் கனணிகள் வழங்கவுள்ளதாகக் கூறுகின்றனர். 

நாம் அமைச்சர்களாக இருந்த போது இந்த யோசனை அமைச்சரவையில் முன்வைக்கப்பட்டது. இதன் போது டெப் கணணிகளை வழங்குவதை விடவும் , நாடளாவிய ரீதியில் காணப்படுகின்ற உயர்தரம் வரையில் தரமுயர்த்த வேண்டிய பாடசாலைகளை தரமுயர்த்துவதற்கும், அடிப்படைவசதிகள் குறைவாகக் காணப்படடுகின்ற அல்லது அடிப்படைவசதிகள் அற்ற பாடசாலைகளுக்கு அவற்றை செய்து கொடுப்பதற்கான நடவடிக்கைகளை எடுக்கலாம் என்று வலியுறுத்தினோம். 

ஆனால் கல்வி அமைச்சர் தனது தனிப்பட்ட அரசியல் நோங்களுக்காக அவற்றை கவனத்தில் கொள்ளவில்லை. 

அபிவிருத்தியை மேற்கொள்வதாகக் கூறிக் கொண்டு ஒழுங்கமைப்போ அல்லது திட்டமிடலோ இல்லாமல் இந்த அரசாங்கம் அரச நிதியை வீண் செலவு செய்து கொண்டிருக்கின்றது என அவர் இதன் போது தெரிவித்தார்.