தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

வலான குற்றத்தடுப்பு பிரிவினரால் மோதரை பொலிஸ் பிரிவிற்குட்பட்ட ரஜமல்வத்த பிரதேசத்தில் மேற்கொண்ட சோதனைகளின் போது 10.7 கிராம் ஹெரோயினுடன் சந்தேகநபரொருவர் கைது செய்யப்பட்டுள்ளார்.

கைதுசெய்யப்பட்ட சந்தேகநபர் 39 வயதுடைய ரஜமல்வத்த - மோதரை பிரதேசத்தைச் சேர்ந்தவர் என்று தெரிவிக்கப்பட்டுள்ளது. 

இவர் இன்றய தினம் மாளிகாகந்த நீதவான் நீதிமன்றத்தில் முன்னிலைப்படுத்தப்பட்டதோடு,மேலதிக விசாரணைகளும் முன்னெடுக்கப்பட்டு வருவதாக தெரிவிக்கப்பட்டுள்ளது. 

மட்டக்குளி பொலிஸ் பிரிவிற்குட்பட்ட நிலமெகேவத்த பிரதேசத்தில் குற்றத்தடுப்பு பிரவினரால் மேற்கொள்ளப்பட்ட சோதனைகளின் போது 20.86 கிராம் ஹெரோயினுடன் சந்தேகநபரொருவர் கைது செய்யப்பட்டுள்ளார்.சந்தேகநபர் 39 வயதுடைய மட்டக்குளி பிரதேசத்தைச் சேர்ந்தவர் எனத் தெரிவிக்கப்பட்டுள்ளது. 

இதேவேளை பேலிகொட பொலிஸ் பிரிவிற்குட்பட்ட நவலோக எரிபொருள் நிலையத்திற்கு அருகில் 10.8 கிராம் ஹெரோயினுடன் சந்தேகநபரொருவர் கைது செய்யப்பட்டுள்ளார்.கைது செய்யப்பட்ட 43 வயதுடைய பேலியகொட பிரதேசத்தை சேர்ந்த குறித்த சந்தேகநபரும்,  நிலமெகேவத்த பிரதேசத்தில் கைது செய்யப்பட்ட சந்தேகநபரும் நேற்றைய தினம் அலுத்கடை நீதவான் நீதிமன்றத்தில் முன்னிலைப்படுத்தப்பட்டுள்ளனர்.