தவறவிடாதீர்கள்..!உடனே பதிவு செய்யுங்கள்

'இனி­மேலும் வன்­முறை வேண்டாம்' என்ற தலைப்பில் நீர்­கொ­ழும்பில் பல இடங்­க­ளிலும் சுவ­ரொட்­டிகள் ஒட்­டப்­பட்­டுள்­ளன.

கடந்த மாதம் 21ஆம் திகதி உயிர்த்த ஞாயிறு தினத்தில் நீர்­கொ­ழும்பு கட்­டு­வ­பிட்­டிய தேவா­லயம் உட்­பட பல தேவா­ல­யங்­க­ளிலும் நட்­சத்­திர ஹோட்­டல்­க­ளிலும் இடம்­பெற்ற தற்­கொலை குண்டுத் தாக்­கு­தல்­களை அடுத்து நீர்­கொ­ழும்பு நகர மக்­களின் இயல்பு வாழ்க்கை முழு­மை­யாக பாதிக்­கப்­பட்­டது. இந்த சம்­ப­வத்தில்  நீர்­கொ­ழும்பில் 100 இற்கும் மேற்­பட்டோர் கொல்­லப்­பட்­டனர். 200 பேர் வரை காய­ம­டைந்­தனர். நகரம் சோகத்­திலும் அச்­சத்­திலும் மூழ்­கி­யது.

இரண்டு வாரங்கள் கழித்து கடந்த 05 ஆம் திகதி  நீர்­கொ­ழும்பு போர­தொட்ட பிர­தே­சத்தில்  இரு தரப்­பி­ன­ரி­டையே ஏற்­பட்ட பிரச்­சி­னையை தொடர்ந்து  அங்கு பதற்ற நிலை தோன்­றி­யது. இதனைத் தொடர்ந்து  ஊர­டங்கு சட்டம் பிறப்­பிக்­கப்­பட்ட இரவு வேளையில், பெரி­ய­முல்லை பிர­தே­சத்தில் சில இடங்­களில் வன்­செ­யல்கள் இடம்­பெற்­றன. முஸ்­லிம்­க­ளுக்கு சொந்­த­மான வீடுகள் தாக்­கப்­பட்­டன. சொத்­துக்­க­ளுக்கு சேதம் ஏற்­ப­டுத்­தப்­பட்­டன. நகை மற்றும் பணம் கொள்­ளை­யி­டப்­பட்­டன. வாக­னங்கள் பல­வற்­றுக்கு சேதம் விளை­விக்­கப்­பட்­ட­துடன் மோட்டார் சைக்­கிள்கள் சில தீவைக்­கப்­பட்­டன. மக்கள் இயல்பு வாழ்க்கை முழு­மை­யாக பாதிக்­கப்­பட்­டது.

இந்­நி­லையில் தற்­போது நகரில் பல இடங்­களில் சுவ­ரொட்­டிகள் ஒட்­டப்­பட்­டுள்­ளன.

நீர்­கொ­ழும்பு பிர­ஜைகள் ஒன்­றியம், நீர்­கொ­ழும்பு பிர­தேச சர்வ மத குழு ஆகி­யன தனித்­த­னி­யாக மூன்று மொழி­க­ளிலும் சுவ­ரொட்­டி­களை ஒட்­டி­யுள்­ளன. நீர்­கொ­ழும்பு பிர­ஜைகள் ஒன்­றியம் நகரில் பல இடங்­க­ளிலும் ஒட்­டி­யுள்ள சுவ­ரொட்­டியில், 

'இனி­மேலும் வன்­முறை வேண்டாம், தேசிய அனர்த்­தத்­தின்­போது நீர்­கொ­ழும்பு மக்­க­ளா­கிய நாம் காட்­டிய முன்­மா­தி­ரியை தொடர்ந்து முன்­னெ­டுப்போம்' என்று குறிப்­பி­டப்­பட்­டுள்­ளது.

நீர்­கொ­ழும்பு பிரதேச சர்வமத குழு ஒட்டியுள்ள சுவரொட்டியில்,

'வன்முறை வேண்டாம், இலங்கையின் ஒரு இனமாக மீண்டும் கட்டியெழுப்புவோம்' என்ற வாசகம் குறிப்பிடப்பட்டுள்ளது. தற்போது நகரில் அமைதி நிலவுகிறது