உழைக்கும் மக்களின் உரிமைகளுக்காக தொடர்ந்தும் போராடும் இலங்கை தொழிலாளர் காங்கிரஸ், இம்முறை தோட்டத் தொழிலாளர்களின் சம்பள உயர்வுக்கு நிரந்தரத் தீர்வை வலியுறுத்தி நுவரெலியா நகரில் மே தின கூட்டத்தை நடத்த உள்ளது. தோட்டத் தொழிலாளர்கள் தமது பிரச்சினைகளுக்கு தீர்வை பெற்றுக்கொள்ள முடியாமலும் அதனை கூறுவதற்கு வழியில்லாமலும் தவிப்பதாக இலங்கை தொழிலாளர் காங்கிரஸின் தலைவர் பாராளுமன்ற உறுப்பினர் முத்து சிவலிங்கம் தெரிவித்தார்.
இலங்கை தொழிலாளர் காங்கிரஸ் தனது மேதினக் கூட்டத்தை எதிர்வரும் முதலாம் திகதி நுவரெலியா நகரில் காலை 10 மணிக்கு நடத்துவதற்கு ஏற்பாடுசெய்துள்ளது. பாராளுமன்ற உறுப்பினரும் இலங்கை தொழிலாளர் காங்கிரஸின் பொதுச் செயலாளருமான ஆறுமுகம் தொண்டமான் உள்ளிட்ட கட்சியின் செயற்பாட்டாளர்கள் மூத்த தொழிற்சங்கவாதிகள் என பலரும் இதில் கலந்துகொள்ளவுள்ளதாகவும் அவர் குறிப்பிட்டார்.
இது தொடர்பில் முத்து சிவலிங்கம் குறிப்பிடுகையில்;
தோட்டத் தொழிலாளர்களின் சம்பள உயர்வு விவகாரம் இழுத்தடிப்புச் செய்யப்படுகின்றது. அதேபோன்று அந்த மக்களின் இன்னோரன்ன பிரச்சினைகளுக்கு தீர்வின்றி நெருக்கடிகளை எதிர் கொண்டுள்ளனர். ஆகவே தோட்டத்தொழிலாளர்கள் எதிர்கொள்ளும் சம்பள உயர்வு விவகாரம் மற்றும் வாழ்வாதாரப் பிரச்சினைகளுக்கு நிரந்தர தீர்வை பெற்றுக் கொள்ள வேண்டியதன் அவசியம் தொடர்பில் எதிர் வரும் மே தினக் கூட்டத்தின் போது வலியுறுத்த உள்ளோம்.
கடந்த பல தசாப்தகாலமாக தோட்டத் தொழிலாளர்களின் உரிமைகளுக்காக பல்வேறு போராட்டங்களுக்கு தலைமை தாங்கி அதில் வெற்றியும் பெற்றுள்ளோம். எதிர்காலத்திலும் அவ்வாறே முன்னெடுப்போம். எந்தவொரு சந்தர்ப்பத்திலும் தோட்டத் தொழிலாளர்களின் உரிமைகளுக்காகப் போராடுவோம். எதிர்வரும் மே தினத்தன்று அனைத்து தோட்டத் தொழிலாளர்களும் நுவரெலியா நகருக்கு வந்து இலங்கை தொழிலாளர் காங்கிரஸின் மே தினக் கூட்டத்தில் கலந்துகொள்ள வேண்டும் என்றார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM