தவறவிடாதீர்கள்..!உடனே பதிவு செய்யுங்கள்

டெல்லி அணிக்கு எதிரான வெளியேற்றல் சுற்றில் ஐதராபாத் அணி 162 ஓட்டங்களை குவித்துள்ளது.

சன் ரைஸர்ஸ் ஐதராபாத் மற்றும் டெல்லி கேப்பிட்டல்ஸ் அணிகளுக்கிடையே இன்றிரவு 7.30 மணிக்கு விசாகப்பட்டினத்தில் ஆரம்பமான வெளியேற்றல் சுற்று ஆட்டத்தில் நாணய சுழற்சியில் வெற்றிபெற்ற டெல்லி அணி களத்தடுப்பை தேர்வு செய்த ஐதராபாத் அணி முதலில் துடுப்பெடுத்தாடியது.

அதன்படி ஐதராபாத் அணி நிர்ணயிக்கப்பட்ட 20 ஓவர்களின் முடிவில் 8 விக்கெட்டுக்களை இழந்து 162 ஓட்டங்களை குவித்தது.

அந்த அணி சார்பில் விரிடிமன் ஷா 8 ஓட்டத்துடனும், மார்டீன் கப்டீல் 36 ஓட்டத்துடனும், மணீஷ் பாண்டே 30 ஓட்டத்துடனும், அணித் தலைவர் வில்லியம்சன் 28 ஓட்டத்துடனும், விஜய் சங்கர் 25 ஓட்டத்துடனும், மொஹமட் நபி 20 ஓட்டத்துடனும் தீபக் ஹுடா 4 ஓட்டத்துடனும், ரஷித் கான் டக்கவுட் முறையிலும் ஆட்டமிழந்ததுடன், ஆடுகளத்தில் பசில் தம்பி ஒரு ஓட்டத்துடனும் புவனேஷ்வர்குமார் எதுவித ஓட்டமின்றியும் ஆட்டமிழக்காதிருந்தனர்.

பந்து வீச்சில் கீமோ போல் 3 விக்கெட்டுக்களையும், இஷான் சர்மா 2 விக்கெட்டுக்களையும், டிரெண்ட் போல்ட் மற்றும் அமித் மிஷ்ரா தலா ஒரு விக்கெட்டினையும் வீழ்த்தினர்.

நன்றி : ஐ.பி.எல். இணையத்தளம்