தவறவிடாதீர்கள்..!உடனே பதிவு செய்யுங்கள்

(நா.தனுஜா)

நாட்டில் இடம்பெற்ற தொடர் குண்டுத் தாக்குதல்களால் பொருளாதாரத்தில் பெருமளவு தாக்கம் ஏற்பட்டுள்ளது. அதனை மீண்டும் சீர்செய்வதற்கு ஏற்றுமதியாளர்கள், முதலீட்டாளர்கள், கொழும்புப் பங்குச்சந்தை மற்றும் சுற்றுலாப்பயணத்துறை முகவர்களுடன் பேச்சுவார்த்தைகளை முன்னெடுக்கவுள்ளோம் என்று ஐக்கிய தேசியக் கட்சியின் தவிசாளர் கபீர் காசீம் தெரிவித்தார்.

இன்று அலரிமாளிகையில் ஏற்பாடு செய்யப்பட்டிருந்த செய்தியாளர் சந்திப்பில் கருத்து வெளியிடும் போதே அவர் இதனைக் குறிப்பிட்டார். 

அங்கு அவர் மேலும் தெரிவிக்கையலில், 

உயிர்த்த ஞாயிறு தினத்தன்று நாட்டில் இடம்பெற்ற தொடர் குண்டுத்தாக்குதல்களால் பொருளாதாரம் வெகுவாகப் பாதிக்கப்பட்டுள்ளது. இந்நிலையைச் சீர்செய்வதற்கு அமைச்சர்களான மங்கள சமரவீர மற்றும் எரான் விக்ரமரத்ன தலைமையில் ஏற்றுமதியாளர்கள், முதலீட்டாளர்கள், கொழும்பு பங்குச்சந்தை மற்றும் சுற்றுலாப்பயணத்துறை முகவர்கள் ஆகிய தரப்பினருடன் பேச்சுவார்த்தைகளை முன்னெடுப்பதற்குத் தீர்மானித்திருக்கின்றோம்.

எமது நாட்டில் இடம்பெற்றது போன்ற பலமடங்கு வலிமையான தாக்குதல்களை கடந்த காலங்களில் பல ஐரோப்பிய நாடுகள் எதிர்கொண்டிருக்கின்றன. அதனாலேற்பட்ட சேதங்களிலிருந்தும் அந்நாடுகள் மீண்டு வந்திருக்கின்றன. 

அதேபோன்று நாமும் இத்தகைய மிலேச்சத்தனமான தாக்குதல்களால் சோர்ந்து விடாமல் மீண்டெழுவோம் என்பதை வெளிப்படுத்தும் வகையில் செயற்பட வேண்டும் என்றார்.