கொல்கத்தா அணிக்கு எதிரான போட்டியில் ஐதராபாத் அணி 9 விக்கெட்டுக்களினால் வெற்றிபெற்றுள்ளது.

12 ஆவது ஐ.பி.எல். தொடரின் 38 ஆவது லீக் போட்டி இன்று மாலை 4.00 மணிக்கு ஐதராபாத் ராஜிவ் காந்தி மைதானத்தில் கொல்கத்தா கினைட் ரைடர்ஸ் மற்றும் சன் ரைஸர்ஸ் ஐதராபாத் அணிகளுக்கிடையே ஆரம்பமானது.

இப் போட்டியில் நாணய சுழற்சியில் வெற்றிபெற்ற ஐதராபாத் அணி முதலில் களத்தடுப்பை தேர்வு செய்ய, முதலாவதாக துடுப்பெடுத்தாடிய கொல்கத்தா அணி நிர்ணயிக்கப்பட்ட 20 ஓவர்களின் முடிவில் 8 விக்கெட்டுக்களை இழந்து 159 ஓட்டங்களை குவித்தது.

இதையடுத்து 160 என்ற வெற்றியிலக்கை நோக்கி துடுப்பெடுத்தாட ஆரம்பித்த ஐதராபாத் அணி நிர்ணயிக்கப்பட்ட வெற்றியிலக்கினை 15 ஓவர்களிலேயே ஒரு விக்கெட்டினை இழந்து கடந்தது.

ஐதராபாத் அணி சார்பில் டேவிட் வோர்னர் 38 பந்துகளில் 5 ஆறு ஓட்டம் 3 நான்கு ஒட்டம் அடங்களாக 67 ஓட்டங்களை குவித்தது ஆட்டமிழந்ததுடன், ஜோனி பெயர்ஸ்டோ 43 பந்துகளை எதிர்கொண்டு 7நான்கு ஓட்டம், 4 ஆறு ஓட்டம் அடங்களாக 83 ஓட்டத்துடனும், அணித் தலைவர் கேன் வில்லியம்சன் 8 ஓட்டத்துடனும் ஆட்டமிழக்காதிருந்தனர்.

பந்து வீச்சில் கொல்கத்தா அணி சார்பில் யர்ரா ப்ரித்விராஜ் ஒரு விக்கெட்டினை வீழ்த்தினார்.

நன்றி ; ஐ.பி.எல். இணையத்தளம்