தவறவிடாதீர்கள்..!உடனே பதிவு செய்யுங்கள்

தனது மகளை துஷ்பிரயோகம் செய்த நபரின் இரண்டு கரங்களையும் தந்தையொருவர் வெட்டி வீசிய சம்பவமொன்று இந்தியாவின் பஞ்சாப்பில் , பதிந்தா நகரில் இடம்பெற்றுள்ளது.

குறித்த சம்பவத்தில் 17 வயது இளைஞன் ஒருவரின் கைகளே வெட்டப்பட்டுள்ளமை தெரியவந்துள்ளது.

இரண்டு வருடங்களுக்கு முன் குறித்த இளைஞன் 7 மாத குழந்தையொன்றை துஷ்பிரயோகம் செய்துள்ளான் இது குறித்தான வழக்கு பதிந்தாவில் தற்போது நடந்து வரும் நிலையில், பாதிக்கப்பட்ட குழந்தையின் தந்தையும் , குறித்த இளைஞனும் வழக்குக்காக நீதிமன்றம் வந்துள்ளனர்.

வழக்கு நிறைவடைந்த பிறகு குழந்தையின் தந்தையான பம்மா சிங் , குறித்த இளைஞனை நயவஞ்சகமாக பேசி சமாதனப்படுத்தி தன்னுடன் மோட்டார் சைக்கிளில் அழைத்துச் சென்றுள்ளார். 

பின்னர் ஒரு இடத்தில் அவரை மோட்டார் சைக்கிளில் இருந்து இறக்கி , மரத்தில் கட்டி வைத்து கூரிய ஆயுதங்களால் தாக்கியதோடு இரு கரங்களையும் வெட்டியுள்ளார்.

கரங்கள் துண்டிக்கப்பட்டிருந்த நிலையில் துடித்துக்கொண்டிருந்த இளைஞனை கிராமவாசிகள் வைத்தியசாலையில் அனுமதித்துள்ளனர்.

குறித்த சம்பவம் தொடர்பில் சந்தேகநபரான பம்மா சிங் கைதுசெய்யப்பட்டுள்ளார்.