தவறவிடாதீர்கள்..!உடனே பதிவு செய்யுங்கள்

அட்டாளைச்சேனை மீனோடைக்கட்டு பிரதேசத்தைச் சேர்ந்த விவசாயி ஒருவர் இன்று புதன்கிழமை காலை 5.30 மணியளவில் யானை தாக்கி ஸ்தலத்திலேயே உரிழந்துள்ளதாக அக்கரைப்பற்று பொலிஸார் தெரிவித்தனர். 

இச்சம்பவத்தில் உயிரிழந்நதவர் அட்டாளைச்சேனை மீனோடைக்கட்டு 9ஆம் பிரிவைச் சேர்ந்த கமர்;தீன் என்றழைக்கப்படும் அகமதுலெவ்வை அப்புதுல் கபூர் வயது (66) என்ற குடும்பஸ்தராவார்.

மேற்படி விவசாயி வயல் வேலைக்காக அம்பாறை- அக்கரைப்பற்று வீதியிலிருந்து நான்காம் கட்டை வயல் பிரதேச வீதியூடாக சென்ற போது காட்டு யானை வழிமறித்து நடத்திய தாக்குதலில் பலத்த காயங்களுக்கு இலக்காகியே உயிரிழந்துள்ளார்.

இவரது சடலம் அக்கரைப்பற்று ஆதார வைத்தியசாலையில் வைக்கப்பட்டுள்ளதுடன் இது தொடர்பான மேலதிக விசாரணைகளை அக்கரைப்பற்று பொலிஸார் மேற்கொண்டு வருகின்றனர்.