தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்)

ஸ்ரீ லங்கா சுதந்திரக் கட்சி 2019 ஆம் ஆண்டுக்கான வரவு - செலவு திட்டத்திற்கு ஆதரவாகவும், எதிராகவும் வாக்களிக்காமல் விலகிக் கொண்டமையின் பிரதிபலன் இன்னும் ஒரு மாதத்திற்கு பிறகு  வெளிப்படும் ஸ்ரீலங்கா சுதந்திரக் கட்சியின் பாராளுமன்ற உறுப்பினர் திலங்க சுமதிபால தெரிவித்தார். 

பரந்துப்பட்ட  கூட்டணியமைத்தலுக்கான மூன்றாவது பேச்சுவார்த்தை   எதிர்க்கட்கட்சி தலைவர் அலுவலகத்தில் இன்று இடம்பெற்றது. இப்பேச்சுவாரத்தையில் கலந்துகொண்டதன் பின்னர் ஊடகங்களுக்கு கருத்து தெரிவிக்கையில் அவர் மேற்கண்டவாறு குறிப்பிட்டார்.

வரவு - செலவு திட்டத்தை வெற்றிக் கொள்ள செய்து  ஐக்கிய  தேசிய கட்சி அரசாங்கத்தை பாதுகாக்க வேண்டும் என்ற நோக்கத்தில்   வாக்கெடுப்பில் கலந்துக் கொள்ளாமல் விலகிக் கொள்ளவில்லை.   ஜனாதிபதி மைத்திரிபால சிறிசேனவின்  மூன்று அமைச்சுக்கான நிதி ஒதுக்கீட்டை பாதுகாக்க வேண்டிய தேவை ஸ்ரீ லங்கா சுதந்திர கட்சிக்கு   காணப்பட்டது. 

மறுபுறம் பல அரசியல் ரீதியான விடயங்களும் ஆராயப்பட  வேண்டியிருந்தது. இவ்விடயங்களை கருத்திந் கொண்டு   வரவு -  செலவு திட்டத்தின் இறுதி வாக்கெடுப்பில் கலந்து கொள்ளாமல் விலகிக் கொண்டோம் எனவும் அவர் குறிப்பிட்டார்.