தவறவிடாதீர்கள்..!உடனே பதிவு செய்யுங்கள்

கடும் வெப்பத்தினால் நாட்டில் ஏற்பட்டுள்ள, மின்சார நெருக்கடியை தீர்த்துக்கொள்ளும் நோக்குடன் 100 மெகாவோட் மின்சாரத்தினை கொள்வனவு செய்ய மூன்று தனியார் நிறுவனங்கள் தேர்ந்தெடுக்கப்பட்டுள்ளதாக மின்சக்தி மற்றும் புதுப்பிக்கத்தக்க எரிசக்தி அமைச்சின் ஊடக பேச்சாளர் தெரிவித்துள்ளார்.

மேலும், ஹெக்ரிகோ , வீ பவர் மற்றும் அல்டாஸ் ஓல்டர்நேடிவ் மின் உற்பத்தி நிறுவனங்கள் இதற்காக குத்தகை அடிப்படையில் தேர்ந்தெடுக்கப்பட்டுள்ளதாக அவர்  தெரிவித்துள்ளார்.

இந்நிலையில், இந்த நிறுவனங்களுடன் எதிர்வரும் தினத்தில் ஒப்பந்தம் கைச்சாத்திடப்படவுள்ளதாகவும், குறித்த நிறுவனங்களிடம் இருந்து எதிர்வரும் 6 மாதங்களுக்கு மின்சாரம் கொள்வனது செய்யப்படவுள்ள நிலையில் , இதற்காக மின் அலகொன்றிற்கு வாரியம் 28 முதல் 30 ரூபா வரை செலுத்த திட்டமிடப்பட்டுள்ளதாகவும் தெரிவித்துள்ளார்.

குறித்த நிறுவனங்களிடம் இருந்து மின்சாரத்தை கொள்வனவு செய்த பின்னர் , நாட்டு மக்களுக்கு தடையின்றி மின்சாரத்தை வழங்குவதே தமது நோக்கமென அவர் தெரிவித்துள்ளார்.