தவறவிடாதீர்கள்..!உடனே பதிவு செய்யுங்கள்

கைதுசெய்யப்பட்டு பொலிஸ் பிணையில் விடுதலையான இலங்கை டெஸ்ட் கிரிக்கெட் அணித் தலைவர் திமுத் கருணாரத்ன இன்று புதுக்கடை நீதிமன்றில் ஆஜராகியுள்ளார்.

திமுத் கருணாரத்ன மதுபோதையில் வாகனம் செலுத்தி முச்சக்கர வண்டியொன்றுடன் மோதி விபத்தை ஏற்படுத்திய குற்றத்திற்காக நேற்று ஞாயிற்றுக்கிழமை அதிகாலை பொரளை பகுதியில் பொலிஸாரினால் கைதுசெய்யப்பட்டார்.

இந்நிலையில் அவர் மீது பொலிஸாரினால் முன்னெடுக்கப்பட்ட விசாரணைகளின் பின்னர் திமுத் கருணாரத்ன பொலிஸ் பிணையில் நேற்றைய தினமே விடுவிக்கப்பட்டார்.

பொரளை, கின்ஸி வீதி, ஹோர்ட்டன் பிளேஸில் நேற்று ஞாயிற்றுக்கிழமை அதிகாலை 5.15 மணியளவில் திமுத கருணாரத்ன செலுத்திய கார் முச்சக்கர வண்டியொன்றுடன் மோதியுள்ளது.

குறித்த விபத்தில் முச்சக்கர வண்டி சாரதி காயத்திற்குள்ளாகிய நிலையில் கொழும்பு தேசிய வைத்தியசாலையில் சிகிச்சைக்காக அனுமதிக்கப்பட்டுள்ளார்.

அதன் பின்னர் பொலிஸார் முன்னெடுத்த விசாரணைகளில் காரைச்செலுத்திய திமுத் கருணாரத்ன மதுபோதையில் இருந்தமை தெரியவந்தது.

இந்நிலையில் பொலிஸார் அவரை நேற்றையதினம் பொலிஸ் பிணையில் விடுவித்திருந்த நிலையில் திமுத் கருணாரத்ன இன்றைய தினம் புதுக்கடை நீதிமன்றில் ஆஜராகியுள்ளமை குறிப்பிடத்தக்கது.