”அச்சம் என்பது மடமையடா” என்ற படத்தின் மூலம் அறிமுகமானவர் நடிகை மஞ்சி மோகன். ஒளிப்பதிவாளர் மோகன் அவர்களின் வாரிசான இவருக்கு அற்முகமான படத்திற்கு பிறகு ஷத்ரியன், இப்படை வெல்லும் என இரண்டு தமிழ் படங்களில் நடித்தார்.

குறித்த இரு படங்களும் பெரிய அளவிற்கு வெற்றிப் பெறாததால் இவரால் முன்னணி நடிகையாக முன்னேற முடியவில்லை. தமிழில் தான் தடுமாற்றம் இருக்கிறதே என்று தெலுங்கில் இரண்டு படங்களில் நடித்தார். இரண்டு படமும் தோல்வி. தன் தாய்மொழியான மலையாளத்தில் முன்னணி நடிகரான நிவிக் பாலியுடன் சேர்ந்து நடித்தார். அந்த படமும் எதிர்பார்த்த அளவிற்கு வெற்றிப் பெறவில்லை. 

இவர் தற்போது தமிழில் கௌதம் கார்த்திக்குடன் தேவராட்டம் என்ற படத்தில் நடித்திருக்கிறார். இந்த படம் வெளியான பிறகு தான் இவரின் திரையுலக வாழ்க்கையில் திருப்பம் ஏற்படும். அதனையடுத்து நடிகர் ஜீவாவிற்கு ஜோடியாக ஒரு தமிழ் படத்தில் நடிக்க ஒப்பந்தமாகியிருக்கிறார்.

இவர் தற்போது ஒரேயொரு வெற்றிக்காக காத்திருக்கிறார். அண்மையில் பிறந்த நாள் கொண்டாடிய இவருக்கு திரையுலகினர் வாழ்த்து தெரிவித்தனர். அனைவருக்கும் நன்றி சொல்லி மறைமுகமாக வாய்ப்பு கேட்கிறாராம். அனைவரும் ஒரே குரலில், ‘உங்களுடைய படம் ஹிட்டாகட்டும் பிறகு பார்க்கலாம்’ என்கிறார்களாம். அதனால் இவர் நடித்த படம் வெற்றியடையவேண்டும் என்று கோயில் கோயிலாக ஏறி பிரார்த்திக்கிறாராம்.