இயக்குனர் மதுமிதா இயக்கத்தில் உருவாகியுள்ள ‘கே. டி ’என்ற படம் லண்டனில் நடைபெறும் ஆசிய திரைப்பட விழாவில் திரையிடப்படவிருக்கிறது.

வல்லமை தாராயோ, கொல கொலயா முந்திரிக்கா, மூணே மூணு வார்த்தை போன்ற படங்களை இயக்கியவர் இயக்குநர் மதுமிதா.  அதன் பின் சில ஆண்டுகள் இடைவெளி விட்டு அவர் இயக்கியிருக்கும் படம் தான் கே டி.

படத்தைப் பற்றி அவரிடம் கேட்டபோது,“ கே டி என்றால் கருப்பு துரை என்று பொருள். இந்த படத்தில் 80 வயது முதியவர் ஒருவருக்கும், எட்டு வயது அனாதை சிறுவன் ஒருவனுக்கு இடையே ஏற்படும் நட்பை, வித்தியாசமான கோணங்களில் திரைக்கதையாக்கி இருக்கிறேன், இந்த படத்தை லண்டனில் நடைபெறும் ஆசிய திரைப்பட விழாவில் ஏப்ரல் 2 ஆம் திகதி அன்று திரையிடப்படவிருக்கிறது.” என்றார்.

இந்த திரைப்படம் விருது பெறும் என்று திரையுலகினர் தெரிவித்திருக்கிறார்கள். ரசிகர்களின் எதிர்பார்ப்பும் அதுவாகத்தான் இருக்கிறது.