தவறவிடாதீர்கள்..!உடனே பதிவு செய்யுங்கள்

பிங்கிரிய ஏற்றுமதி அபிவிருத்தி வலய திட்டத்தினை பிரதமர் ரணில் விக்ரமசிங்க நாளை திங்கட்கிழமை ஆரம்பித்து வைக்கவுள்ளார். 

15 ஆண்டுகளுக்கு பின்னர் இவ்வாறானதொரு பாரிய ஏற்றுமதி வலயம் இலங்கையில் ஸ்தாபிக்கப்பட்டுள்ளது. இதனூடாக நேரடி சர்வதேச முதலீடுகள் , ஏற்றுமதி மற்றும் தொழில் வாய்ப்புக்கள் ஊடாக தேசிய பொருளாதாரத்திற்கு புதிய ஒரு சக்தியாக அமையும் என சர்வதேச வர்த்தக பிரதி அமைச்சர் நளின் பண்டார தெரிவித்தார். 

பிங்கிரிய ஏற்றுமதி அபிவிருத்தி வலயம் மூன்று கட்டங்களாக முன்னெடுக்கப்படவுள்ளது. இத்திட்டத்தின் முதல் கட்டமாக 164 ஏக்கர் நிலப்பரப்பில் 25 புதிய தொழிற்சாலைகள் ஸ்தாபிக்கப்படவுள்ளன. இதனூடாக பத்தாயிரத்துக்கும் அதிகமான நேரடி தொழில் வாய்ப்புக்கள் கிடைக்கப்பெறும். 

இதன் இரண்டாவது கட்டமாக 282 ஏக்கர் நிலப்பரப்பில் தொழிற்சாலைகள் என பல்வேறு முதலீடுகள் மேற்கொள்ளப்படவுள்ளன. 25 ஆயிரத்துக்கும் அதிகமான நேரடி தொழில் வாய்ப்புக்கள் கிடைக்கும். 

அது மாத்திரமல்லாது இதன் மூன்றாவது கட்ட அபிவிருத்தியில் பிங்கிரய ஏற்றுமதி அபிவிருத்தி வலயத்திற்காக 1200 ஏக்கர் நிலப்பரப்பு ஸ்தாபிக்கப்படுகின்ற புதிய தொழிற்சாலைகளினூடாக 75 ஆயிரத்துக்கும் அதிகமான தொழில் வாய்ப்புக்கள் கிடைக்கப்பெறும்.