சிலைவைக்க ஆசைப்படும் டக்ளஸ்

11 Apr, 2016 | 10:17 AM

துட்டகைமுனுவுக்கும் எல்லாளனுக்கும் இடையில் இடம்பெற்ற யுத்த முடிவில் எல்லாளனுக்கு துட்டகைமுனு சிலையமைத்து மரியாதை செய்ததை போன்று, தற்போது இடம்பெற்ற யுத்தத்திலும் எல்லாளனுக்கு சிலையமைத்து நினைவுகூர வேண்டும் என்ற பிரேரணையை பாராளுமன்றத்தில் முன்வைக்கப் போவதாக பாராளுமன்ற உறுப்பினரும் ஈ.பி.டி.பி.யின் செயளாலர் நாயகமுமான கே.என்.டக்களஸ் தேவானந்தா தெரிவித்துள்ளார்.

அத்துடன் தற்போது இடம்பெற்ற யுத்தில் யார் எல்லாளன் யார் துட்டகைமுனு என்பதை மக்களே அறிவார்கள் எனவும் அவர் தெரிவித்துள்ளார்.

யாழ் ஊடக அமையத்தில் நேற்றைய தினம் இடம்பெற்ற பத்திரிகையாளர் சந்திப்பின் போதே அவர் இதனை தெரிவித்தார்.

அவர் இங்கு மேலும் தெரிவித்ததாவது,

கடந்த காலங்களில் குறிப்பாக இலங்கை இந்திய ஒப்பந்தத்துக்கு பின்னர் இலங்கையின் ஆட்சியாளர்கள் பல சாதகமான சந்தர்ப்பங்களை ஏற்படுத்தி தந்திருந்த போதும் அவை எதனையும் தமிழ் தலைமைகள் சரியாக பயன்படுத்தியிருக்கவில்லை.

இவ்வாறான நிலையில் தற்போதைய புதிய அரசாங்கம் மீண்டுமொரு சாதகமான சமிஞ்சை வழங்கியுள்ளது.

அதாவது பாராளுமன்றத்தை அரசியல் யாப்பு சபையாக மாற்றியுள்ளது. அத்துடன் அதற்கான வழிகாட்டல் குழுவில் நானும் ஒர் அங்கத்தவனாக உள்ளேன்.

இத்தகைய ஒர் நிலையில் அச் சபைக்குள் இருந்து கொண்டு கடந்த காலங்களில் தமிழ் தலைமைகள் விட்ட தவறை மீண்டும் விடுவதற்கு நான் அனுமதிக்க போவதில்லை. இதனை சரியாக பயன்படுத்த வேண்டும்.

அந்தவகையிலே இது தொடர்பாக சகல தரப்புகளுடனும் பேச்சுவார்த்தைகளை நடாத்தவுள்ளோம். தமிழ் தேசிய கூட்டமைப்புஇ தமிழ் மக்கள் பேரவை உட்பட அனைத்து தரப்புகளுடனும் பேசவுள்ளோம். இதன்படி முதல் கட்டமாக எட்டு அமைப்புகளுடன் சந்திப்புக்களை நடாத்தியுள்ளோம்.

இப் புதிய கூட்டை நாம் அமைத்திருப்பினும் இக் கூட்டின் பொதுவான இணக்கப்பாடும் என்னவெனில் புதிய அரசாங்கத்தினால் வழங்கப்பட்டுள்ள சாதகமான சமிஞ்சையை சரியாக பயன்படுத்தி தமிழ் மக்களுடைய அரசியல் தீர்வென்பதற்கு அப்பால் சகல பிரச்சினைகளையும் தீர்க்க வேண்டும் என்பதேயாகும்.

மேலும் அரசாங்கத்தால் அறிமுகப்படுத்தப்பட்டுள்ள 65ஆயிரம் வீட்டுத் திட்டத்தை தவற விட்டோமேயானால் இனி அது போன்றதொரு வேறு வாய்ப்பு கிடைக்கப்போவதில்லை.

அத்துடன் இதுவரை காலமும் குடிசைகளிலும் வெயிலும் மழைகளிலும் கஷ்ரப்பட்ட மக்களுக்கு தற்காலிகமாக ஒரு அரண்மனை கிடைத்ததை போன்ற ஒன்றாகவே இந்த வீடமைப்பு திட்டத்தை நான் பார்க்கின்றேன்.

எனினும் இவ் வீட்டுத்திட்டம் பொருத்தமற்றது எமது பண்பாட்டுக்கும் கலாச்சாரத்துக்கும் பொருத்தமற்றது என கூறிக் கொண்டிருப்பவர்கள்இ இந்த புதிய அரசாங்கத்தை தாம் தான் கொண்டு வந்ததாக கூறுபவர்கள். அரசாங்கம் அமைய முன்பே பல இரகசிய சுற்று பேச்சுக்களை நாடாத்தியவர்கள்இ முன்னரே இது தொடர்பாக அரசாங்கத்துக்கு தெளிவுபடுத்தியிருக்க வேண்டும். இது எமது சூழலுக்கு பொருத்தமற்றது பண்பாட்டுக்கு பொருத்தமற்றது என அரசாங்கத்துக்கு தெளிவுபடுத்தியிருக்க வேண்டும்.

ஆனால் அதனை விடுத்து அவர்கள் இணக்க அரசியல் செய்கின்றோம் என்ற பெயரில் சுய பெருமையையே அதாவது எதிர்கட்சி தலைவர்இ குழுக்களின் பிரதி தலைவர்இ மாவட்ட இணைத் தலைவர்கள் என்ற பதவிகளை பெற்றனரே தவிர மக்களின் பிரச்சனைகளுக்கு தீர்வை கொடுக்கவில்லை. தமது தனிப்பட்ட நலன்கள் பாதிக்கப்படக் கூடாது என்பதற்காக மொனமாகவே உள்ளனர்.

தற்போது கூட வடமாகாணசபை தமிழ் தேசிய கூட்டமைப்பிடமே உள்ளது. ஆனால் அங்கு பிரச்சனைகளுக்கு தீர்வுகள் வழங்கப்படவில்லை. நாங்கள் இருந்த போது பிரச்சனைகளுக்கு முடிவுகளை வழங்கியிருந்தோம் அல்லது குறுகிய காலத்தில் அதற்கான தீர்வினை பெற்றுக் கொடுத்திருந்தோம். ஆனால் இப்போது பிரச்சனைகள் தொடர்பாக அறிக்கைகளை தாருங்கள் நாங்கள் அதனை மத்திய அரசாங்கத்திடம் வழங்குகின்றோம் என தெரிவிக்கிறார்கள்.

அதாவது இவர்கள் கூறுவது ஆடத்தெரியாதவன் மேடை கோணல் என்று கூறுவதைப் போன்ற கதையாகவே உள்ளது.

எனவே தமிழ் தேசிய கூட்டமபைப்பானது தமிழ் மக்களது பிரச்சனைகள் அதாவது 65ஆயிரம் வீட்டுத்திட்ட பிரச்சனைஇ இந்திய மீனவர் பிரச்சனைஇ சம்பூர் பிரச்சனை தொடர்பில் மக்களுக்கு உரிய தீர்வினை பெற்றுக் கொடுக்க வேண்டும்.

மேலும் எதிர்வரும் மாதம் பாராளுமன்ற அமர்வின் போது நான் தனிநபர் பிரேரனை ஒன்றை முன்வைக்கவுள்ளேன். அதில் போரில் இறந்த உறவுகளை நினைவுகூருவதற்கும் அவர்களுக்கான அஞ்சலியை செலுத்துவதற்குமான ஒர் பொது தினத்தையும் அதற்கான பொது இடத்தையும் உருவாக்க வேண்டும் என அப் பிரேரனையில் முக்கியப்படுத்தவுள்ளேன்.

அத்துடன் அப்பிரேனையூடாக வரலாற்று காலத்தில் துட்டகைமுனுக்குவும் எல்லாளனுக்கும் இடையில் இடம்பெற்ற யுத்த முடிவில் கொல்லப்பட்ட எல்லாளனுக்கு துட்டகைமுனு நினைவாலயம் அமைத்து மரியாதை செய்ததை போன்று தற்போது இடம்பெற்ற யுத்தத்திலும் எல்லாளனுக்கு சிலையமைத்து நினைவுகூர வேண்டும் என்பதையும் வலியுறுத்தவுள்ளேன் என்றார்.

இதில் யார் எல்லாளன் யார் துட்டகைமுனு என ஊடகவியலாளர் வினவியதற்குஇ அது தொடர்பாக தற்போதே தெரிவித்தால் அது குறித்து பாராளுமன்றத்தில் பிரேரணை கொண்டு வருவதற்கு தடையாக அமைந்து விடும் எனவும் ஆனால் அது யார் என்பது மக்களுக்கே தெரியும் என்றும் அவர் மேலும் தெரிவித்திருந்தார்.