தவறவிடாதீர்கள்..!உடனே பதிவு செய்யுங்கள்

இலங்கையில் இதுவரையில் கைப்பற்றப்பட்டுள்ள போதைப்பொருட்களுடன் ஒப்பிடுகையில் பாரிய அளவிலான போதைப்பொருட்கள் நேற்று (23) இரவு கைப்பற்றிய பொலிஸ் போதைப்பொருள் ஒழிப்பு மற்றும் விசேட அதிரடிப் படையினருக்கு ஜனாதிபதி மைத்ரிபால சிறிசேன வாழ்த்துக்களை தெரிவித்துள்ளார்.

கொழும்பு, கொள்ளுப்பிட்டி பகுதியில் நேற்று மாலை மேற்கொள்ளப்பட்ட சுற்றிவளைப்பின்போது 2945 மில்லியன் பெறுமதியான 294 கிலோ 490 கிரேம் ஹெரோயின் போதைப்பொருள் கைப்பற்றப்பட்டது.

இதற்கு பாராட்டு தெரிவித்தே ஜனாதிபதி மைத்தரிபால சிறிசேன தனது டுவிட்டர் பக்கத்தில் மேற்கண்ட வாழ்த்துச் செய்தியை தெரிவித்துள்ளார்.

அத்துடன் இந்த சுற்றிவளைப்பு நடவடிக்கை எதிர்கால சந்ததியினருக்கு ஆற்றிய உன்னத பணி என்று தெரிவித்த ஜனாதிபதி, இவ்வகையான செயற்பாடுகளுக்கு தனது பூரண ஆசீர்வாதமும் ஒத்துழைப்பும் எப்போதும் உண்டு என்றும் மேலும் தெரிவித்தார்.