(Navam Jaffna)

தமிழ் அரசியல் கைதிகளை விடுதலை செய்யுமாறு கோரி கோண்டாவில் ரயில் நிலையத்திற்கு  அருகில் மாணவன் ஒருவன் ரயிலின் முன் பாய்ந்து தற்கொலை செய்து கொண்டுள்ளதாக பொலிஸார் தெரிவிக்கின்றனர்.

கொக்குவில் இந்து கல்லூரியில் உயர்தரத்தில் கல்வி கற்கும் 18 வயதுடைய செந்தூரன் என்ற மாணவனே இவ்வாறு தற்கொலை செய்து கொண்டுள்ளார்.

குறித்த மாணவன் தமிழ் அரசியல் கைதிகளை விடுதலை செய்யுமாறு கோரி கடிதம் ஒன்றினையும் எழுதி வைத்து தற்கொலை செய்து கொண்டுள்ளமை குறிப்பிடத்தக்கது.பொலிஸார் குறித்த கடிதத்தை கைப்பற்றியுள்ளனர்.

சடலம் தற்போது யாழ். போதனா வைத்தியசாலையில் பிரேத பரிசோதனைக்காக வைக்கப்பட்டுள்ளது.

பொலிஸார் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.