தவறவிடாதீர்கள்..!உடனே பதிவு செய்யுங்கள்

தெனியாய பிரதேசத்தில் நிர்மாணிக்கப்படவுள்ள 600 கட்டில்களைக் கொண்ட வைத்தியசாலை நிர்மாணப்பணிகளின் செயற்பாட்டு நடவடிக்கைகளை ஆராயும் விசேட கலந்துரையாடல் பிரதம ரணில் விக்கிரமசிங்க தலைமையில், துறைமுகங்கள் மற்றும் கப்பற்றுறை மற்றும் தெற்கு அபிவிருத்தி அமைச்சர் சாகல ரத்னாயக்கவின் பங்குப்பற்றலுடன் இன்று அலரி மாளிகையில் நடைப்பெற்றது. 

தெனியாயவில் தற்போது காணப்படுகின்ற வைத்தியசாலை மிகவும் பழமைவாய்ந்தமையால் இனிதும, மொரவக்க ஆகிய பிரதேசங்களில் வாழ்கின்ற மக்கள் கராப்பிட்டிய மற்றும் மாத்தறை பிரதேசங்களில் அமைந்துள்ள வைத்தியச்சாலைகளுக்கு செல்ல வேண்டியுள்ளமையால் பல இன்னல்களிற்கு முகங்கொடுக்கின்றார்கள். 

தற்போது தென் மாகாணத்தின் தேசிய வைத்தியசாலை கரையோர பிரதேசத்திலே அமைந்துள்ளது.வைத்தியசாலையின் நிர்மாணப்பணிகளை விரைவாக திட்டமிட்டு இவ்வாண்டு ஆகஸ்ட் மாதத்திற்குள் நிர்மாணப்பணிகளை ஆரம்பிப்பதற்கு தேவையான நடவடிக்கைகளை மேற்கொள்ளுமாறு அமைச்சர் சாகல ரத்னாயக்க தெரிவித்துள்ளார். 

தெனியாய ஹென்பர் தோட்டதில் இப்புதிய வைத்தியசாலையை நிர்மாணிப்பதற்கு தேவையான இடங்களை ஒதுக்கிக்கொள்ளும் திட்டம் எதிர்வரும் வாரத்திற்குள் நிறைவுப்பெறுமெனவும் அமைச்சர் இதன் போது தெரிவித்தார்.

முழுமையாக அமைக்கப்பட்ட இருதய சத்திரசிகிச்சை பிரிவினை அமைப்பதன் மூலமாக தெனியாய மக்கள் நன்மையடைவார்களென அமைச்சர் ரத்னாயக்க மேலும் தெரிவித்தார்.  இத்திட்டத்தின் பொருட்டு பிரதமர் ரணில் விக்ரமசிங்க தன்னுடைய முழுமையான ஒத்துழைப்பினை வழங்குவதாக தெரிவித்தார்.

இக்கலந்தரையாடலில் கொடபொல பிரதேச சபை செயலாளர், தேசிய ஒழுங்கமைப்பு திணைக்கள அத்தியட்சகர் மற்றும் உதவி அத்தியட்சகர், சுகாதார திணைக்களத்தின் அத்தியட்சகர், சுகாதார அமைச்சின் உதவி அத்தியட்சகர், மாத்தறை மாவட்ட சுகாதார சேவை அத்தியட்சகர் மற்றும் அமைச்சரின் தனிப்பட்ட செயலாளர் உள்ளடங்கலாக அதிகாரிகள் பலர் கலந்து கொண்டனர்.