தவறவிடாதீர்கள்..!உடனே பதிவு செய்யுங்கள்

ஆப்கானிஸ்தானில், பாரா மாகாணத்தில் பாக் இ சாலி மாவட்டத்தில் தலீபான் தீவிரவாதிகளை இலக்கு வைத்து மேற்கொள்ளப்பட்ட அதிரடித் தாக்குதலில் 5 தலீபானியர்கள் உயிரிழந்ததுடன் மேலும் 7 பேர் படுகாயமடைந்துள்ளனர். 

ஆப்கானிஸ்தானில் தலீபான் பயங்கரவாதிகளுக்கு எதிரான தாக்குதல்களை உள்நாட்டுப்படைகள் தீவிரப்படுத்தி வருகின்றன. இந்த நிலையில், பாக் இ சாலித் மாவட்டத்தில் பல்வேறு இடங்களில் தலீபான்கள் பதுங்கி இருப்பதாக இராணுவத்துக்கு தகவல் கிடைத்துள்ளது. 

இதையடுத்து அந்தப் பகுதிகளை சுற்றி வளைத்து ராணுவத்தினர் அதிரடி தாக்குதல்கள் நடத்தினர். இந்த தாக்குதலின் முடிவில் 5 தலீபான்யர்கள் உயிரிழந்துடன் 7 பேர் படுகாயம் அடைந்தனர்.

பலியானவர்களில் தலீபான் உள்ளூர் தளபதி காஜி அப்துல் காதிரும் ஒருவர் என மாகாண பொலிஸ் செய்தி தொடர்பாளர் கூறியுள்ளார்.

மேலும் இந்த தாக்குதலின்போது 8 தீவிரவாதிகள் உயிருடன் பிடிபட்டதுடன் பாக் இ சாலித் மாவட்டத்தில் தலீபான் தீவிரவாதிகளுக்கு எதிரான தாக்குதல் தொடரும் எனவும் அவர் குறிப்பிட்டுள்ளார்.