(ஆர்.யசி)

ஒன்பது மாகாண சபைகளுக்கான தேர்தலை ஒரே தடவையில் நடத்துங்கள். அதற்கான சட்ட திருத்தங்கள் எதுவாக இருந்தாலும் எதிர்க்கட்சியின் முழுமையான ஆதரவை அரசாங்கத்திற்கு  வழங்குவோம்  என ஸ்ரீலங்கா சுதந்திர கட்சியின் பொதுச்செயலாளர் தயாசிறி ஜெயசேகர எம்.பி தெரிவித்தார். 

எதிர்கால தேர்தல் குறித்து சிந்திப்பதை விடுத்து காலம் கடந்துள்ள மாகாணசபை தேர்தலை நடத்தும் வழிமுறை குறித்து சிந்திப்போம் எனவும் அவர் குறிப்பிட்டார். 

ஸ்ரீலங்கா சுதந்திரக் கட்சியின் செய்தியாளர் சந்திப்பு இன்று கட்சி தலைமை அலுவலகத்தில் இடம்பெற்றது. இதில் கலந்துகொண்டு கருத்து தெரிவிக்கும் போதே அவர் இதனைக் குறிப்பிட்டார்.