தவறவிடாதீர்கள்..!உடனே பதிவு செய்யுங்கள்

 (ஆர்.யசி)

மாகாணசபை தேர்தலை  நடத்த மஹிந்த தரப்பினர் நீதிமன்றம் நாடுகின்றதைப் போல்  ஸ்ரீலங்கா முஸ்லிம் காங்கிரஸும்  தேர்தலை நடத்த நீதிமன்றை நாடும்  என ஸ்ரீலங்கா முஸ்லிம்  காங்கிரஸின் பொதுச் செயலாளர் நிஸாம் காரியப்பர் எம்.பி தெரிவித்தார்.   

 மாகாணசபை தேர்தலை நடத்தி நடைமுறை சிக்கல்களுக்கு அரசாங்கம் உடனடியாக தீர்வு காண வேண்டும். 

வரவு -செலவுத் திட்ட விவாதங்கள் முடிவடைந்தவுடன் அடுத்த கட்டமாக மாகாணசபைத் தேர்தலை நடத்துவது குறித்து ஆராய்ந்து எதிர்வரும் ஓகஸ்ட் மாதத்திற்கு முன்னர் தேர்தலை நடத்த  அரசாங்கம் முன்வர  வேண்டும்.

மாகணசபை தேர்தலை நடத்த வேண்டும் என்ற நிலைப்பாடு இன்று பிரதான கட்சிகள் இடையில் எழுந்துள்ள நிலையில் ஸ்ரீலங்கா முஸ்லிம் காங்கிரஸின் நிலைப்பாடு என்னவென வினவிய போதே அவர் மேற்கண்டவாறு குறிப்பிட்டார்.