மெக்சிகோவிலுள்ள களியாட்ட விடுதியில் இனந்தெரியாத நபர்கள் மேற்கொண்ட துப்பாக்கிப் பிரயோகத்தில் 7 பேர் பரிதாபமாக உயிரிழந்துள்ளனர்.

மெக்சிக்கோவின் குவிண்டினா ரோ மாகாணத்தில் கரீபியன் கடல் பகுதியில் அமைந்துள்ள கடற்கரை நகரமான பிளயா டெல் கார்மனிலுள்ள கேளிக்கை விடுதியொன்றில் குறித்த துப்பாக்கிப் பிரயோக சம்பவம் இடம்பெற்றுள்ளது.

குறித்த களியாட்ட விடுதிக்கு வந்த இனந்தெரியாத நபர்கள் இருவர் அங்கிருந்தவர்களை துப்பாக்கியால் சரமாரியாக சுட்டுவிட்டு தப்பி ஓடினர். இதில் 6 பேர் சம்பவ இடத்திலேயே பரிதாபமாக உயிர் இழந்தனர்.

படுகாயமடைந்த 2 பேர் மீட்கப்பட்டு வைத்தியசாலையில் அனுமதிக்கப்பட்டனர். அவர்களில் ஒருவர் சிகிச்சை பலன்இன்றி உயிரிழந்தார். 

துப்பாக்கிச் சூடு நடத்திய நபர்கள் யார்? அதற்கான காரணம் என்ன? என்பது குறித்து தெரியவில்லை. இது தொடர்பாக மெக்சிக்கோ பொலிஸார் தீவிர விசாரணை மேற்கொண்டு வருகின்றனர்.