தவறவிடாதீர்கள்..!உடனே பதிவு செய்யுங்கள்

சீனாவின் புஜியான் மாநிலத்தில் நிலக்கரி சுரங்கத்தில் ஏற்பட்ட விபத்தில் சிக்கி 5 பேர் பரிதாபமாக உயிரிழந்துள்ளதாக தெரிவிக்கப்பட்டுள்ளது.

சீனாவின் புஜியான் மாநிலம் யாங்டாங் மாவட்டத்திலுள்ள லோங்யான் பகுதியில் நிலக்கரி சுரங்கம் இயங்கி வருகிறது. இந்த சுரங்கத்தில் நேற்று 9 தொழிலாளர்கள் பணிபுரிந்து கொண்டிருந்தனர்.

அதன் போது திடீரென அந்த சுரங்கத்தில் மண் சரிந்து விபத்து ஏற்பட்டது. அதில் அங்கு பணிபுரிந்தவர்கள் சிக்கிக் கொண்டனர்.

இதில், 5 பேர் சம்பவ இடத்திலேயே பரிதாபமாக உயிரிழந்த நிலையில் இருவரை உயிருடன் மீட்கப்பட்டுள்ளதோடு படுகாயம் அடைந்த ஒருவரை அருகிலுள்ள வைத்தியசாலைக்கு அனுப்பினர். மண் குவியலில் சிக்கியுள்ள மற்றொருவரை தேடும் பணி நடைபெற்று வருகிறது.

இந்நிலையில் குறித்த சம்பவம் தொடர்பில் சுரங்க உரிமையாளரிடம் விசாரணைகள் மேற்கொள்ளப்பட்டு வருவதாக மீட்புக் குழுவினர் தெரிவித்துள்ளனர்.