தவறவிடாதீர்கள்..!உடனே பதிவு செய்யுங்கள்

பாராளுமன்ற தேர்தலில் யாருடன் கூட்டணி என்பது குறித்த பேச்சு வார்த்தை அடுத்த மாதமான ஜனவரியில் தொடங்கும் என்று தமிழக பா. ஜ. க தலைவரான தமிழிசை தெரிவித்திருக்கிறார்.

இது தொடர்பாக மேலும் தெரிவித்ததாவது,

“ஜல்லிக்கட்டிற்கு முன்கூட்டியே அரசாணை வெளியிட்டதை வரவேற்கிறோம். ஜல்லிகட்டு போட்டியின் போது  பாதுகாப்பையும் அரசு உறுதி செய்யவேண்டும். தி.மு.க. தலைவர் மு. க. ஸடாலின் மீண்டும் மீண்டும் மத்திய அரசை குறை கூறுகிறார்.

மத்திய அரசின் திட்டங்களை மறைக்கிறார். பிரதமர் மோடி அடிக்கடி வெளிநாடு செல்வதாக குற்றம் சாட்டுகிறார். தற்போது வெளிநாட்டிற்கு இணையாக பாம்பன் பாலம் மாற்றப்படுகிறது.

முத்தலாக் சட்டம் குறித்து அ.தி.மு.க.வின் பாராளுமன்ற உறுப்பினர் அனவர்ராஜா கூறிய கருத்து முற்றிலும் கண்டிக்கத்தக்கது. சிறுபான்மையின பெண்களுக்கு பாதுகாப்பு அளிக்கும் வகையில் தான் இந்த சட்டம் கொண்டு வரப்பட்டுள்ளது.

பாராளுமன்ற தேர்தலில் பாரதீய ஜனதா கட்சி கூட்டணி நிச்சயமாக இருக்கும் அதில் எந்தெந்த கட்சிகள் இடம்பெறும் என்பதை இப்போதே சொல்வது சரியாக இருக்காது. அடுத்த மாதமான ஜனவரி மாதத்தில் கூட்டணி தொடர்பான பேச்சு வார்த்தையை தொடங்குவோம்.

அதனால் நிச்சயம் கூட்டணி இருக்கும் தி.மு.க. காங்கிரஸ் கூட்டணியை விட சதவீதத்திலும், சாதனைகளிலும் மக்களை அணுகுவதிலும் எங்கள் கூட்டணி ஒரு பலமான கூட்டணியாக இருக்கும் என்பதை உறுதியாக சொல்ல முடியும்” என்றார்.