தவறவிடாதீர்கள்..!உடனே பதிவு செய்யுங்கள்

அக்கரைப்பற்று பொலிஸ் பிரிவிற்குட்பட்ட பகுதிகளில் சட்ட விரோதமாக மண் அகழ்வில் ஈடுபட்ட எட்டு சாரதிகள் கைது செய்யப்பட்டதோடு, மண் அகழ்விற்காக பயன்படுத்தப்பட்ட வாகனங்களும் கைப்பற்றப்பட்டதாக அக்கரைப்பற்று பொலிஸார் தெரிவித்தனர்.

அக்கரைப்பற்று பொலிஸ் நிலைய ஊழல் மற்றும் போதைப் பொருள் தடுப்பு பொறுப்பதிகாரி எம்.எச்.எம்.ஹசீப் தலைமையிலான குழுவினர் இச்சுற்றிவளைப்பில் ஈடுபட்டனர்.

இதன்போது அக்கரைப்பற்று பொலிஸ் பிரிவிற்குட்பட்ட பிரதேசங்களான அக்கரைப்பற்று, ஆலையடிவேம்பு, அட்டாளைச்சேனை, ஒலுவில் மற்றும் பாலமுனை ஆகிய பகுதிகளில் ஆற்று மண் மற்றும் கடல் மண் அகழ்வில் ஈடுபட்டோர் கைது செய்யப்பட்டுள்ளனர்.

இதன்போது மண் அகழ்விற்காக பயன்படுத்தப்பட்ட ஆறு உழவு இயந்திரங்களும், இரண்டு சிறய ரக கென்டர்களும் கைப்பற்றப்பட்டுள்ளன. அனுமதிப்பத்திரமின்றி மணல் ஏற்றியமை மற்றும் நிபந்தனைகளை மீறிய வகையில் மணலை ஏற்றிச் சென்றமை ஆகிய குற்றங்களின் அடிப்படையிலேயே சாரதிகள் கைது செய்யப்பட்டதுடன் வாகனங்களும் கைப்பற்றப்பட்டன.

அக்கரைப்பற்று பொலிஸ் நிலையத்தில் தடுத்து வைக்கப்பட்டுள்ள வாகனங்களுடன் அதன் சாரதிகள் அக்கரைப்பற்று நீதவான்  நீதிமன்றத்தில் ஆஜர் படுத்தப்படவுள்ளதாக அக்கரைப்பற்று பொலிஸார்; மேலும் தெரிவித்தனர்.