தவறவிடாதீர்கள்..!உடனே பதிவு செய்யுங்கள்

(ஆர்.யசி)

ஐக்கிய தேசிய கட்சியின் தலைவர் ரணில் விக்கிரமசிங்கவிற்கு பாராளுமன்றத்தில் பெரும்பான்மையை நிருபிக்க கட்சியின் பிரதித் தலைவர் சஜித் பிரேமதாச கொண்டுவரும் நம்பிக்கை பிரேரணையை ஆதரித்தபா - எதிர்ப்பதா என தமிழ் தேசியக் கூட்டமைப்பு இன்னமும் தீர்மானம் எடுக்காத நிலையில் நாளை காலை கூட்டமைப்பினர் ஏகமனதான தீர்மானம் ஒன்றினை எடுக்கவுள்ளதாக தெரிவித்துள்ளனர். 

 பாராளுமன்றத்தில் ஐக்கிய தேசியக் கட்சியின் தலைவர் ரணில் விக்கிரமசிங்கவிற்கு பெரும்பான்மையை நிருபிக்கும் பிரேரணையை அக்கட்சியின் பிரதித் தலைவர் சஜித் பிரேமதாச நாளை கொண்டுவருகின்றார். 

அந்த பிரேரணையை ஜே.வி.பி ஆதரிக்கப்போவதில்லை என ஏற்கனவே கூறியுள்ளனர். இந்நிலையில் தமிழ் தேசியக் கூட்டமைப்பும் இதுவரை எந்த தீர்மானமும் எடுக்கவில்லை என அக்கட்சியின் ஊடகப் பேச்சாளரும் பாராளுமன்ற உறுப்பினருமான எம்.எ.சுமந்திரன் தெரிவித்தார்.