தவறவிடாதீர்கள்..!உடனே பதிவு செய்யுங்கள்

உலகக் கிண்ண லீக் போட்டியில்  பாகிஸ்தானுக்கு எதிரான போட்டியில் அவுஸ்திரேலிய அணி 21 ஓட்டங்களால் வித்தியாசத்தில் வெற்றி பெற்றது. இந்த தோல்வியினையடுத்து அரையிறுதி வாய்ப்பை இழந்து தொடரிலிருந்து வெளியேறியது பாகிஸ்தான் .

இந்தியாவில், ஐ.சி.சி., 6ஆவது உலகக் கிண்ணத் தொடர் நடக்கிறது. மொகாலியில் இன்று மாலை நடந்த  போட்டியில் அவுஸ்திரேலியா, பாகிஸ்தான் அணிகள் மோதின.

 நாணய சுழற்சியில் பெற்றி அவுஸ்திரேலியா முதலில் துடுப்பெடுத்தாட தீர்மானித்தது.

அந்தவகையில், அவுஸ்திரேலிய அணிக்கு உஸ்மான் கவாஜா (21) நல்தொரு ஆரம்பத்தை பெற்று கொடுத்தார். டேவிட் வோர்னர் (9) ஏமாற்றினார். ஆரோன் பின்ச் (15) நிலைக்கவில்லை. அபாரமாக ஆடிய  ஸ்டீவ் ஸ்மித் அரைசதம் கடந்தார். மெக்ஸ்வெல் (30) நம்பிக்கை தந்தார். கடைசி நேரத்தில் வொட்சன் அதிரடி காட்ட, அவுஸ்திரேலிய அணி 20 ஓவரில் 4 விக்கெட்டுக்கு 193 ஓட்டங்களை குவித்தது. ஸ்டீவ் ஸ்மித் (61), வொட்சன் (44) ஆட்டமிழக்காமல் இருந்தனர்.  

சவாலான இலக்கை விரட்டிய பாகிஸ்தான் அணிக்கு அகமது ஷேசாத் (1) ஏமாற்றினார். ஷர்ஜீல் கான் (30), கலித் லத்திப் (46), உமர் அக்மல் (32), சொயிப் மாலிக் (40) ஓரளவு ஆறுதல் அளித்தனர்.  அப்ரிடி (14) பெரிய அளவில் சோபிக்கவில்லை.  

  பாகிஸ்தான் அணி 20 ஓவரில் 8 விக்கெட்டுக்கு 172 ஓட்டங்கள் எடுத்து தோல்வியடைந்தது. அவுஸ்திரேலியா சார்பில் போல்க்னர் 5 விக்கெட் கைப்பற்றினார். 

இந்த வெற்றியின் மூலம் அவுஸ்திரேலிய அணி அரையிறுதி வாய்ப்பை தக்கவைத்துக் கொண்டது. மூன்றாவது தோல்வியை சந்தித்த பாகிஸ்தான் அரையிறுதி வாய்ப்பை இழந்து வெளியேறியது.