தவறவிடாதீர்கள்..!உடனே பதிவு செய்யுங்கள்

(இரோஷா வேலு) 

மன்னாரிலிருந்து கொழும்புக்கு கடத்திவரப்பட்ட 2 மில்லியன் ரூபா பெறுமதிவாய்ந்த ஐஸ் போதைப்பொருளுடன் ஒருவர் பேலியகொட பகுதியில் மதுவரித் திணைக்கள போதை ஒழிப்பு பிரிவு அதிகாரிகளால் கைதுசெய்யப்பட்டுள்ளார்.

மதுவரித் திணைக்கள போதை ஒழிப்பு பிரிவு பொறுப்பதிகாரி கே.பீ.எச்.பதிரனவின் ஆலோசனைக்கமைவாக இன்று காலை பேலியகொட பகுதியில் மேற்கொள்ளப்பட்ட சுற்றிவளைப்பு நடவடிக்கையின்போதே இவர் கைதுசெய்யப்பட்டுள்ளார்.

கைதுசெய்யப்பட்டவர் 32 வயதையுடைய மன்னாரைச் சேர்ந்தவர் எனவும், அவரிடமிருந்து 250 கிராம் ஐஸ் போதைப் பொருளை மீட்டுள்ளதாகவும் மதுவரித் திணைக்கள போதை ஒழிப்பு பிரிவு அதிகாரிகள் தெரிவித்துள்ளனர்.

இந்நிலையில் மதுவரித் திணைக்கள அதிகாரிகள் சந்தேக நபரை அளுத்கடை நீதவான் நீதிமன்றில் முன்னிலைப்படுத்தயதோடு மேலதிக விசாரணைகளையும் மேற்கொண்டு வருகின்றனர்.