தவறவிடாதீர்கள்..!உடனே பதிவு செய்யுங்கள்

பாராளுமன்றில் இன்று காலை சபை நடவடிக்கைகள் ஆரம்பமானபோது மஹிந்த ராஜபக்ஷ விசேட உரையொன்றை ஆற்றியிருந்தார்.

பாராளுமன்றின் சபை நடவடிக்கையின் போது மஹிந்த ராஜபக்ஷ நடாத்திய விஷேட உரையின் பின்னர் லக்ஷ்மன் கிரியெல்ல மஹிந்தவின் உரையில் கூறப்பட்ட விடயங்கள் உண்மையல்ல என்று கூறி இன்றும் மீண்டுமொரு வாய்மூல நம்பிக்கையில்லா வாக்கெடுப்பை நடாத்த வேண்டும் என சபாநாயகரிடம் கேட்டுக் கொண்டார்.

லக்ஷ்மன் கிரியெல்லவின் கோரிக்கைக்கு தனக்கு அனுமதி தர முடியாது என கூறிய சபாநாயகர் சபையின் அனுமதியை கேட்க பாராளுமன்றில் அமளி துமளி ஏற்பட்டது.

அதைத் தொடர்ந்து கைக்கலப்புகள் ஏற்படவே கண்டி எம்பி திலுனு அமுனுகம சபாநாயகரின் ஒலிவாங்கியை முறித்த நிலையில் கையில் காயமடைந்து இரத்தம் ஒழுக சபா பீடத்திலிருந்து வெளியேறினார்.

அத்தோடு கைக்கலப்புகளுக்கு மத்தியில் விமல் வீரவன்ச சபையை விட்டு இடைநடுவே வெளிநடப்பு செய்தார்.