தவறவிடாதீர்கள்..!உடனே பதிவு செய்யுங்கள்

அமெரிக்காவின் கலிபோர்னியா மாநிலத்தில் ஏற்பட்ட காட்டுத் தீ காரணமாக இதுவரை 23 பேர் உயிரிழந்துள்ளதாக அந் நாட்டு செய்திகள் தெரிவிக்கின்றன. 

கலிபோர்னியாவில் மொத்தம் 16 இடங்களில் காட்டுத் தீ பிடித்து பரவி வருகிறது. இதில் இரண்டு இடங்களில் மட்டும் காற்றின் வேகம் காரணமாக தீ வேகமாக பற்றி எரிவதுடன், பல ஏக்கர் நிலப்பரப்பிற்கும் வேகமாக பரவி வருகுறது.

தற்போது மணிக்கு 35 கிலோமீற்றர் வேகத்தில் தீ பரவி வருவதால் எங்கு திரும்பினாலும் தீப்பிழம்பாக காட்சி அளிக்கிறது. தீப்பிடித்த பகுதிகள் மற்றும் சுற்றுவட்டார பகுதிகளில் வசித்த சுமார் 1.5 லட்சம் மக்கள் பாதுகாப்பாக வெளியேற்றப்பட்டுள்ளனர். உலங்கு வானூர்த்தி மூலம் தீயினை கட்டுப்படுத்தும் முயற்சி மேற்கொள்ளப்பட்டு வருகிறது.

இந்நிலையில், இந்த விபத்தில் சிக்கி இதுவரை 9 பேர் உயிரிழந்திருப்பதுடன் இதில்  14 பேரின் உடல்களை மீட்பு படையினர் மீட்டுள்ளதாகவும் தகவல்கள் வெளியாகியுள்ளன.

தொடர்ந்தும் மீட்பு பணி நடவடிக்கை இடம்பெற்று வருவதுடன், உயிரிழந்தவர்களின் எண்ணிக்கை அதிகரிக்ககூடும் எனவும் அஞ்சப்படுகிறது.